Këshilli Opozitar Shqiptar në Maqedoni proteston kundër qeverisë
Mijëra qytetarë shqiptar u tubuan në Parkun e Çairit për të protestuar kundër qeverisë aktuale e cila sipas organizatorëve diskriminon të drejtat e shqiptarëve në Maqedoni. Protestuesit me moton “Drejtësi, Dinjitet dhe Demokraci” marshuan në drejtim të ndërtesës së Qeverisë së Maqedonisë. Ata kërkonin tërheqjen e vendimit të Presidentit Ivanov për faljen e politikanëve nga ndjekja penale, prokurorja Speciale Publike të vazhdojë punën e saj dhe mbajtje të zgjedhjeve vetëm atëherë kur do të përmbushen të gjitha kushtet.
