Kjo grua është 94 vjeç dhe thotë se sekreti i saj është ‘një gjysmë gote me verë’

Elena Pagu, një grua nga Rumania e cila filloi të merrej me vrap vetëm në fund të të 50-ave, dëshiron të marrë pjesë në Kampionatin Europian të Atletikës Master në Portugali, i cili u anulua për shkak të pandemisë dhe mund të zhvillohet në janar të vitit 2021.

“Të vraposh për mua është një mënyrë jetese, më shumë sesa një hobi,” tha ajo për Euronews. “Është diçka me të cilën nise të merresha në moshën 57-vjeçare.”

“Në një farë mënyrë e kuptova që po përjetoja depresion pasi lashë punën dhe dola në pension, kështu që vrapi u bë një zëvendësues i mirë [i punës]. Unë jam mësuar që të eci në distanca të gjata që në fëmijëri, kur për të shkuar në shkollën e mesme duhet të ecja 14 km çdo ditë.”

Elena ka fituar medalje dhe kupa të shumta në garat e vrapimit në të gjithë botën. Por ajo thotë se i intereson më shumë thjesht të paturit një jetë aktive.

Sekreti i jetëgjatësisë së saj, sipas Elenës, është, përveç gjeneve të mira, të punuarit, të qenit aktive, këmbëngulëse dhe ~pak verë~.

“Unë jam e lumtur që në moshën time nuk kam nevojë të marr ilaçe. Ajo që bëj është që pi gjysmë gote me verë në mbrëmje pas darkës.”