KOK kërkon nga AIBA të merren masa të menjëhershme ndaj organizatorit

Periskopi.com Sporti

Komiteti Olimpik i Kosovës ka adresuar reagimin e radhës drejt AIBA-s, në lidhje me refuzimin e tretë që iu bë ekipit të boksit të Kosovës nga autoritetet serbe, të cilat nuk lejuan hyrjen e tyre në Serbi, përmes pikës kufitare në Merdarë.

Në letrën e presidentit Ismet Krasniqi dërguar presidentit të AIBA-s, Umar Kremlyov, thuhet se fituesja e vetme e kësaj situate është Qeveria e Serbisë, e cila ndërhyri në çështjet sportive, duke ua mohuar boksierëve të Kosovës të drejtën e garimit me boksierët tjerë.

KOK ka kërkuar që kjo çështje të mos kalojë  në heshtje, por të merren masa ndaj organizatorit, derisa janë përmendur edhe dëmet që I shkaktohen boksit të Kosovës me veprimin e sotëm të Serbisë.

Gjatë dy ditëve të fundit, KOK dhe AIBA kanë kanë shkëmbyer mori letrash, për të zgjedhur çështjen.

KOK ka reaguar edhe në Komitetin Olimpik Ndërkombëtar, nga të cilët po ashtu pret të merren masa.

Më poshtë mund të gjeni reagimin e plotë të presidentit Krasniqi, të dërguar AIBA-s, menjëherë pas refuzimit të tretë të bërë boksit. Botërori i boksit nis sonte në Beograd.