“Krimineli famëkeq”, Freedom House shkruan për sulmin në Banjskë, përmend Radojçiqin
Organizata ndërkombëtare “Freedom House” në raportin “Vendet në Tranzicion 2024” ka shkruar për sulmin e 24 shtatorit në Banjskë, duke thënë se pati “përshkallëzim shqetësues të dhunës në veri”.
“Freedom House” përmend vrasjen e Afrim Bunjakut “në duart e sulmuesve të armatosur”, duke shtuar se Qeveria e Kosovës pretendoi se sulmi ishte i lidhur me autoritetet në Beograd.
Organizata prestigjioze ka shkruar për rritjen e pranisë ushtarake të Serbisë në afërsi të kufirit me Kosovën dhe për kërkesën e Shtëpisë së Bardhë për tërheqjen e tyre.
“Në shtator 2023, përshkallëzimi i tensioneve çoi në një incident të madh të sigurisë në veri të Kosovës. Sulmi i Banjskës rezultoi në vdekjen e një oficeri të Policisë së Kosovës në duart e sulmuesve të armatosur. Qeveria e Kosovës pretendoi se sulmi ishte i lidhur me autoritetet në Beograd dhe e cilësoi incidentin një sulm terrorist që synonte t’i hapte rrugën Serbisë për të aneksuar veriun. Kosova. Serbia e rriti përkohësisht praninë ushtarake afër Kosovës, duke ulur më vonë përqendrimin e saj të forcave, por duke mbajtur një alarm të shtuar të sigurisë. Shtëpia e Bardhë tha se grumbullimi serb ishte “i paprecedentë” dhe përfshinte tanke dhe artileri të sofistikuara dhe i kërkoi Beogradit të tërheqë forcat nga kufiri i Kosovës.
Në raport përmendet emri i kryekriminelit Milan Radojiçiq, për të cilin “Freedom House” thotë se është bashkëpunëtor i ngushtë i Vuçiqit.
“Milan Radojiçiq, ish nënkryetari i Listës Serbe dhe një bashkëpunëtor i ngushtë i presidentit serb Vuçiç, mori përgjegjësinë për sulmin dhe janë raportuar gjithashtu lidhje të tjera midis sulmuesve dhe autoriteteve të Beogradit”.
Organizata emrin e Radojiçiqit e përmend edhe për rastin e vrasjes së Oliver Ivanoviqit, duke e quajtur Radojiçiqin “kriminel famëkeq”.
“Një nga rastet më të ndjeshme gjyqësore, vrasja e politikanit serb të Kosovës Oliver Ivanoviq në Mitrovicën e Veriut në vitin 2018, vazhdoi në vitin 2023. Prokurorët e lidhën vrasjen me Radojiçiqin, kriminelin famëkeq, ish-zyrtar të Listës Serbe dhe udhëheqësin e sulmit në Banjska.”
Lidhur me sulmin në Banjskë, raporti shkruan se u arrestuan 8 serbë prej të cilëve “katër janë liruar që atëherë në mungesë të provave”.
“Katër raste janë ende të hapura ndërsa hetimet po vazhdojnë.”
