Kroacia rikonfirmon mbështetjen e saj për anëtarësimin e Kosovës në Këshillin e Evropës
Presidenti i Kroacisë, Zoran Milanoviq, ka pritur sot në takim ministrin shqiptar të Punëve të Jashtme, Igli Hasani. Në takim u konfirmua marrëdhënia e shkëlqyer mes dy vendeve, me ç’rast presidenti kroat tehksoi mbështetjen e vendosur për hyrjen e Shqipërisë në Bashkimin Evropian. Gjithashtu në këtë takim Milanoviq ka konfirmuar se Republika e Kosovës mund të llogarisë në mbështetjen e Kroacisë për anëtarësim në Këshillin e Evropës.
Milanoviq ritheksoi besimin e tij se negociatat për anëtarësimin e Shqipërisë në BE duhet të kishin qenë tashmë në fazën përfundimtare, veçanërisht duke pasur parasysh faktin se vendi është anëtar i NATO-s për 15 vjet. Është biseduar edhe për situatën në Evropën Juglindore, ku presidenti Milanoviq ka konfirmuar se Republika e Kosovës mund të llogarisë në mbështetjen e Kroacisë për anëtarësim në Këshillin e Evropës, transmeton Express.
Në takim kanë qenë pjesëmarrës edhe pjesëtarë nga ekipet e dy palëve.
