Kryeziu kritikon KQZ: Duhet të flasë si autoritet kushtetues, e jo përmes komunikatave

Ismet Kryeziu ka deklaruar se Komisioni Qendror i Zgjedhjeve (KQZ) duhet të veprojë si një autoritet kushtetues, me transparencë dhe përgjegjësi publike, e jo përmes komunikatave që synojnë të arsyetojnë vetveten, raporton Periskopi.

Kryeziu në një postim në Facebook thekson se transferimi i përgjegjësisë institucionale dhe i besimit qytetar te një kompani private është i papranueshëm.

Postimi i plotë:

KQZ-ja duhet të flasë si autoritet kushtetues, me transparencë dhe përgjegjësi publike, e jo përmes komunikatave dhe njoftimeve që synojnë ta arsyetojnë vetveten dhe të transferojnë përgjegjësinë institucionale dhe besimin qytetar te një kompani private.

Është i papranueshëm pretendimi se një biznes privat mund të garantojë besimin në procesin zgjedhor.

Kjo përbën një gabim të rëndë institucional, rritë mosbesimin në proces dhe tregon mungesë serioze profesionalizmi.