Ku po mbetet Arben Vitia? Kurti nuk thotë fjalë aq të ëmbla kësaj radhe
Kryeministri Albin Kurti është pyetur nga gazetarët edhe për fatin e Arben Vitisë, ish ministrit të Shëndetësisë që humbi garën për Prishtinën.
Kryeministri u tregua mjaft diplomatik në përgjigjen e tij, pas emërimit të ministrit të ri emri i të cilit ishte Rifat Latifi – një ish këshilltar i Hashim Thaçit.
“Arben Vitia ishte i njohur edhe para se të bëhej ministër i shëndetësisë. Nuk ka ndonjë hezitim prej nesh se ku do të angazhohet ai në të ardhmen. Por kjo i mbetet edhe atij që të vendos se ku do të angazhohet.” – është shprehur kryeministri ynë, përcjell Periskopi.
Vitia është shef i Qendrës së Vetëvendosjes në komunën e Prishtinës, dhe ishte besuar që Kurti në kohë pandemia kishte mbajtur pozicionin e ministrit të Shëndetësisë vakant pikërisht për t’i ruajtur atij pozitën në rast se humbte.
Deklarata e kryeministrit se “i mbetet edhe Arben Vitisë” që të vendos për angazhimin e radhës nuk duket se flet aq mirë për ish ministrin dhe ish kandidatin që mori mbi 100 mijë vota në zgjedhjet e 14 shkurtit. /Periskopi