Një numë i madh i personelit arsimor por edhe punëtor tjerë, i janë bashkuar kësaj thirrje për të protestuar para qeverisë me thirrjen “Kryeministër, realizo kërkesat tona. Parandalo grevën e përgjithshme”.

Tutje, nga protesta janë dëgjuar edhe thirrje ndaj kryeministrit të Kosovës, Albin Kurti, që sipas tyre, të mos i mashtrojë me Ligjin për Paga, por ta bënë atë ose t’i ngritë pagat.

Për shkak të thirrjes nga Sindikata e Bashkuar e Arsimit, Shkencës dhe Kulturës, në shumicën prej shkollave të Kosovës nuk është duke u mbajtur mësimi. Këtë e ka bërë të ditur edhe kryetari i SBASHK-ut, Rrahman Jasharaj.