Lideri suprem i Iranit paralajmëron për luftë rajonale nëse ShBA-ja sulmon
Udhëheqësi suprem i Iranit, Ajatollah Ali Khamenei, ka paralajmëruar se çdo sulm do të nxiste një konflikt rajonal, ndërsa ShBA-ja vazhdon të shtojë forcat e tyre aty pranë.
“Amerikanët duhet ta dinë se nëse fillojnë një luftë, këtë herë do të jetë një luftë rajonale”, u citua Khamenei nga agjencia gjysmëzyrtare e lajmeve Tasnim, shkruan BBC.
Donald Trump më parë tha se Irani ishte në “diskutime serioze” dhe shpresonte që ato të çonin në diçka “të pranueshme”, ndërsa zyrtari më i lartë i sigurisë i Iranit, Ali Larijani, tha gjithashtu se një kornizë për negociata po përparonte.
Trump ka kërcënuar të ndërhyjë në Iran për shkak të ambicieve të tij bërthamore dhe pas shtypjes vdekjeprurëse të protestave antiqeveritare./Periskopi
