Ligue 1, kampionati i parë që do ta rinisë sezonin 2020-2021

Periskopi.com Sporti

Ligue 1 ishte kampionati i parë europian që vendosi të mbyllë përfundimisht sezonin dhe tani mund të jetë i pari që do të rinisë 2020-2021. Federata Franceze e Futbollit, pasi u konsultua me transmetuesit televizivë, ka vendosur që kampionati francez për sezonin e ardhshëm të nisë më 22 gusht. Ndërsa Ligue 2 do të ngrejë siparin vetëm një ditë më pas, pra më 23 gusht.

Në këtë pikë, mungon vetëm miratimi i UEFA-s, që duhet të caktojë datat për të përfunduar Champions League dhe Europa League.

Kujtojmë që Franca ka dy skuadra që marrin pjesë në Kupat e Europës, pikërisht në Champions, PSG-në dhe Lyonin. Problemi i këtyre skuadrave është se nuk do të jenë në aktivitet kur të përballen me rivalët e tjerë europiane, duke qenë se Ligue 1 është mbyllur përfundimisht.

Shpërndaje në: