Man United triumfon 4-1 kundër Newcastle por mos t’iu habisë rezultati – luftoi shumë për këto tri pikë

Periskopi.com Sporti

Manchester United kanë shënuar një fitore të vështirë, por me rëndësi të madhe.

Në ndeshjen e luajtur në udhëtim kundër Newcastle United, Manchester Utd kanë shënuar fitore me rezultatin 1:4.

Goli i parë i ndeshjes erdhi pas vetëm 2 minutave, kur Luke Shaw shënoi një auto-gol.

‘Djajtë e kuq’ reaguan me anë të Harry Maguire, kur në minutën e 23’ shënuan për 1:1.

United patën mundësinë të kalonin në epërsi në minutën e 58’, por Bruno Fernandes gaboi nga pika e bardhë.

Por, nga fytyra tragjike, Fernandes u kthye në hero në minutën e 86’ kur pas asistimit të Rashford dërgoi topin në rrjetë për 1:2. Fitoren e vulos Wan Bissaka, në minutën e 90+1 për 1:3, kurse vulën e rezultatit vendosi goli i Marcus Rashford, në minutën e 97′.

Golat Bruno Fernandes dhe ai i Wan Bissaka e Rashford i dhanë tri pikë Unitedit, për ta çuar skuadrën në gjashtë pikë pas katër ndeshjeve.

Newcastle në anën tjetër mbetet me shtatë pikë. 

Shpërndaje në: