“Melinda Gates planifikonte divorcin që në 2019”
Bashkëshortja e miliarderit Bill Gates, Melinda kishte filluar takimin me avokatët për divorcin të paktën që në vitin 2019, njoftoi ”Wall Street Journal” duke cituar burime dhe dokumente.
Çifti njoftoi ndarjen e tyre javën e kaluar pas 27 vitesh, duke deklaruar se ”vendimi erdhi pas shumë mendimesh dhe shumë pune në marrëdhëniet tona”.
”Melinda Gates, 56 vjeçe, kishte qenë në kontakt me avokatë nga disa firma që nga viti 2019”, sipas raportit të ri.
Njerëz të paidentifikuar që folën për ”Wall Street Journal” theksuan se puna e Bill Gates me të ndjerin Jeffrey Epstein, një multi-milioner dhe i dënuar për vepra seksuale, ishte një problem midis manjatit të teknologjisë dhe Melindës.
Deklarata e lëshuar të hënën nga Bill dhe Melinda Gates nuk hyri në detajet e ndarjes së tyre.
“Gjatë 27 viteve të fundit, ne kemi rritur tre fëmijë të mahnitshëm dhe kemi ndërtuar një fondacion që punon në të gjithë botën për të fuqizuar të gjithë njerëzit që të bëjnë jetë të shëndetshme dhe produktive”, theksoi një pjesë e deklaratës.
