Nafta në bursa arrin vlerën më të ulët që prej nisjes së luftës, në Kosovë hala çmimi në qiell
Së fundmi, çmimi i naftës në bursë ka rënë krahasuar me disa ditë më parë. Mirëpo, në Kosovë nuk e ka ndërmend të reflektojë kjo. Çmimet po qëndrojnë rekorde, raporton Periskopi.
Çmimi i naftës në tregjet globale ka arritur në nivelin më të ulët që prej muajit shkurt, kohë kur nisën edhe tensionet e luftës Rusi-Ukrainë.
Bursa e Londrës është hapur këtë të mërkurë me çmimin 92 dollarë për fuçi, nga 98 dollarë që ishte një javë më parë, ndërsa në bursën e Shteteve të Bashkuara të Amerikës, 1 fuçi kushton 86 dollarë.
Rënie ka patur edhe në bursën Platts, ku shiten produktet e përpunuara që janë direkt për konsum.
Një javë më parë, çmimi për 1 ton gasoil të përpunuar ishte 930 dollarë, ndërsa këtë javë 1 ton shitet me 900 dollarë.
Pavarësisht rënies së çmimeve, prej 7 ditësh në berzën ndërkombëtare, në Kosovë nuk e ka ndërmend të luaj çmimi. Fiks 1.67 euro shënon çmimi për një litër dizel në pompat e Kosovës.
Derisa sot, në burs çmimi sillet 86 dollarë për fuçi, në janar të këtij viti ka qenë 87.45.
Po, në janar të këtij viti, çmimi i diellit për 1 litër në Kosovë ka qenë rreth 1.20 euro.
Për një muaj, Ministria e Tregtisë dhe Industrisë ka monitoruar çmimet në berzën ndërkombëtare dhe në bazë të tyre ka krijuar një tavan për fitimet e kompanive në Kosovë. Por, ministria pas një muaji ka hequr dorë nga kjo, duke lënë çmimin në dorë të naftëtarëve. /Periskopi/
