Ndalohet për 48 orë i dyshuari për sulm seksual ndaj alpinistes Nikçi, Prokuroria jep detaje

Prokuroria Themelore e Pejës ka njoftuar se kanë arrestuar të dyshuarin për sulmin seksual ndaj alpinistes Mrika Nikçi dhe i kanë bërë ndalesë për 48 orë.

‘’Prokuroria Themelore në Pejë, njofton opinionin publik se pas punës intensive me Policinë e Kosovës, ka identifikuar dhe arrestuar një person (me inicialet F.B) i cili dyshohet se me datën 27 shtator të këtij vitit ka sulmuar seksualisht viktimën femër. Pas identifikimit, i njëjti me urdhër të Prokurorit të Shtetit është arrestuar dhe ndaluar për 48 orë, nën dyshimin se ka kryer veprën penale “Sulmi seksual” nga neni 229, të Kodit Penal të Republikës së Kosovës. Prokurori i Shtetit brenda afatit ligjor do të shqyrtoj mundësin e paraqitjes se kërkesë për caktimin e masës se paraburgimit në gjykatën kompetente dhe gjithashtu lidhur me ketë çështje penale do ndërmerren të gjitha veprimet e nevojshme hetimore”, thuhet në komunikatën e Prokurorisë Themelore të Pejës.

Vet Nikçi ka njoftuar në Facebook për këtë rast të tmerrshëm, duke ndarë me publikun edhe videon e momentit të sulmit./PERISKOPI/

Alpinisja nga Peja publikon videon kur një person e sulmon seksualisht në rrugë