Nesër mblidhet ekzekutivi, shqyrton masat për produktet bazë

Qeveria e Kosovës do të mbajë mbledhje të premten, rreth një orë e gjysmë para se të mbahet seanca e jashtëzakonshme e Kuvendit.

Pikërisht, në këtë mbledhje, ekzekutivi pritet të shqyrtojë projektligjin për masat e përkohshme të produkteve themelore në raste të veçanta të destabilizimit në treg.

Një ligj i tillë në mandatin e shkuar, për çmimet tavan, ishte rrëzuar nga Gjykata Kushtetuese.

Si pasojë e situatës në Lindjen e Mesme, që nga shkurti edhe në Kosovë ka nisur shtrenjtimi i naftës dhe i disa produkteve tjera.

Në rend dite, në mbledhjen e Qeverisë janë edhe disa pika të tjera.

Ndërkohë, sa i përket rritjes së çmimit të naftës, të premten, edhe Kuvendi i Kosovës do të mbajë seancë të jashtëzakonshme, e thirur nga LDK-ja, por e mbështetur edhe nga PDK-ja dhe AAK-ja./Periskopi

Shtrenjtimi i naftës, Kuvendi i Kosovës nesër mban seancë të jashtëzakonshme

Shtrenjtimi i naftës, Kuvendi i Kosovës nesër mban seancë të jashtëzakonshme