Pejani me allti të fshehur ‘pshurret’ nga frika kur sheh policinë, arrestohet (Foto)
Një arrestim si në filma komik është raportuar së fundi nga Policia e Kosovës, rajoni i Pejës.
Derisa policia u fut në një lokal për të parë se a po respektoheshin masat e pandemisë, e ka vërejtur një person që sipas tyre “bënte lëvizje jo-normale”.
Policia nuk ka dhënë ndonjë shpjegim se çka ishin këto lëvizje jonormale, por mund të dyshohet se kishin të bënin me frikën e këtij të fundit, përcjell Periskopi.
Kur e kontrolloi, e pa që personi në fjalë e kishte një allti, një karikator dhe 14 copë fishekë.
Statusi i plotë:
Arrestohet një person për veprën penale “ Mbajtje në pronësi, kontroll ose posedim të paautorizuar të armëve”
Pejë, 5 janar 2022
Me datë 04.01.2022, rreth orës 21:45, në rrugën “Selmon Lajqi” në Pejë, deri sa patrulla e stacionit Policor në Pejë dhe njësitit për reagim të shpejtë (NJRSH), ishin në asistim të inspektorëve sanitar.
Gjatë kontrollimit një lokal në rrugën e lartshënuar se a janë duke u zbatuar vendimet e qeverisë për zbatimin e masave anti covid, nga zyrtarët Policor është vërejtur se një person bën disa lëvizje jo normale, i njëjti është kontrolluar nga Policia dhe gjatë kontrollit tek personi i dyshuar janë gjetur dhe sekuestruar:
- 1 (një) arme (pistoletë) e tipit “Smith & Wesson
- 1 (një) karikator i së njëjtës armë
- 14 (katërmbëdhjetë) copë fishekë të së njëjtës armë.
Personi i dyshuar është arrestuar dhe me vendim të Prokurorit të shtetit është ndaluar për 48- orë.
