Qeveria ndan 100 mijë euro për mbështetjen e të punësuarve në sektorin publik
Në mbledhjen e sotme të Qeverisë është marrë vendim për ndarjen e 100 mijë eurove për mbështetjen e të punësuarve në sektorin publik.
Ministri i Financave, Hekuran Murati tha se kjo shumë ndahet për të punësuarit në sektorin publik që kanë mbetur pa u mbështetur në rundin e parë.
“Bëhet fjalë për plotësim-vendimin paraprak që kishte të bënte për ndarjen e mjeteve për mbështetjen e të punësuarve në sektorin publik, dhe bëhet fjalë për kategori që kanë mbetur pa u trajtuar në rundin e parë dhe kësisoj duhet të ketë mjete shtesë prej 100 mijë euro”, tha ministri Murati.
Paratë do të ndahen nga Pakoja e Ringjalljes Ekonomike.
Mbledhja e Qeverisë është duke vazhduar.