Reagon Koeman rreth videos shokuese ku Messi shihet duke ecur i painteresuar në fushë

Barcelona nuk fiton prej 4 ndeshjesh në La Liga, teksa sfida e radhës do të jetë kundër Betisit në “Camp Nou”. Trajneri Ronald Koeman ka mbrojtur cilësinë dhe kontributet e Lionel Messit në sfidat e fundit.

“Çdo ndeshje është e rëndësishme. Betisi luan mirë futboll. Ata kanë fituar dhe humbur dhe kjo do të thotë se do të jetë e vështirë. Duhet të përmirësohemi në mbrojtje, krahasuar me atë që kemi bërë kundër Dinamos së Kievit. Duhet të jemi më të organizuar.”

Messi? Ai është një lojtar i shkëlqyeshëm, ka shumë cilësi. E di që ai ka shënuar vetëm me penallti, por gjithmonë bën diferencën. Messi është ende një lojtar vendimtar. Është shumë i rëndësishëm, veçanërisht në sulm. Emocionalisht e shoh mirë, të fortë.

Gjithmonë e shijon këtë sport. Çdokush ka momente të vështira, topi nuk do të hyjë në portë. Ju mund të kapni një imazh të një lojtari kur ai ecën. Unë nuk e kam parë (Messi që ecën e nuk mbron) e as jam i interesuar për këtë. Vlerësimi jepet për atë që bën gjatë gjithë lojës.

If you are using this clip of Messi walking in the 93rd minute to prove that Ronaldo is your goat, it shows that you have run out of ideas to make yourself believe that Ronaldo is the goat. pic.twitter.com/Orq6qPViFv

— Noah ?⚪ (@Direda_Noah) November 5, 2020

Ter Stegen? Jemi shumë të kënaqur me performancën e Netos, duke hequr golin që pësoi ndaj Alavés, ku ai gaboi. Ka provuar se është një portier i shkëlqyeshëm për këtë klub. Ishte e rëndësishme për të që Ter Stegen të luante. Ai kishte shumë punë dhe na shpëtoi, ishte fantastik. Ne e dimë se është një portier i shkëlqyeshëm dhe unë jam shumë i kënaqur me performancën e tij”, deklaroi Koeman.