Sekuestrohen 700 kilogramë kokainë në Gjermani
Prokurorë nga Zyra e Policisë Kriminale të Shtetit dhe Zyra e Hetimit Doganor të Hanoverit penguan kontrabandën e më shumë se 700 kilogramëve kokainë në Gjermani, njoftoi dje zyra doganore.
Sipas hetuesve, droga e sekuestruar ka një vlerë shitjeje në rrugë prej 50 milionë eurosh.
Kompania e transportit të mallrave, nga shteti verior gjerman i Saksonisë së Poshtme, ishte nën hetim që prej fillimit të vitit nga zyrtarët gjermanë, për llogari të prokurorit publik.
“Kompania gjermane e transportit të mallrave ishte përgjegjëse jo vetëm për logjistikën e transportit, por edhe për blerësin e kripës”, raportoi zyra doganore.
Në fillim të shkurtit, hetuesit belgë kontrolluan kontejnerët dhe gjetën, përveç kripës së regjistruar, edhe kokainën e fshehur.
