Serbia furnizohet me raketa ruse
Në Rusi Ivica Daçiq dhe bashkëpunëtorët e tij, ndër të tjera do të flasin për furnizim me raketat për mbrojtje kundërajrore “Buk” për remontin e Migëve serbë por edhe për furnizim me gazin rus, njoftojnë medie serbe.
Sistemi raketor “Buk” kushton 350 milionë dollarë. Radiusi i lëvizjes është 25 kilometra në lartësi dhe 45 kilometra në largësi. Koha e reagimit është nga 10 deri në 12 sekonda me saktësinë e goditjes nga 0,9 deri 0,95.
Për këto raketa vjet, me kryetarin rus Putin kishte biseduar edhe kryeministri serb Aleksandar Vuçiq.
Para se të shkonte në Moskë, në një konferencë shtypi, Daçiq kishte thënë se ndërmjet BE –së e Rusisë, gjithmonë do të zgjidhet Rusia.
