Sërish dështon VV’ja me Albulena Haxhiun
Ka dështuar seanca e 36-të për konstituimin e Kuvendit të Kosov, raporton Periskopi.
Qe 27 herë me radhë seanca po dështon te pika e njëjtë, që është formimi i komisionit për votim të fshehtë për zgjedhjen e kryeparlamentarit.
Ky komision ka dështuar të formohet në mungesë të votave.
Të hënën në sallë kanë qenë 99 deputetë, për formimin e komisionit kanë votuar 53 deputetë, kundër një dhe nuk ka pasur asnjë abstenim.
Sërish, përfaqësues të dy taborëve politikë përgjegjësinë për dështimin ia kanë hedhur njëri-tjetri.
Seanca konstituive ka filluar më 15 prill dhe nga atëherë deputetët janë mbledhur çdo 48-orë në përpjekje për të përmbyllur konstituimin e organit ligjvënës.
Seanca e radhës do të mbahet të mërkurën prej orës 11:00.
