Simeone e pranon: Ronaldo është më i miri në botë, ai tregoi karakter duke festuar si unë
Cristiano Ronaldo ishte vendimtar në rikthimin e Juventusit dhe kualifikimin në çerekfinale të Ligës së Kampionëve.
Zonja e Vjetër e mposhti Atletico Madridin 3-0 me superyllin portugez që shënoi het-trik dhe e dërgoi skuadrën e tij në fazën tjetër të garës më të madhe për klube.
Në momentin e festës së golit të tretë, të cilin e shënoi nga penalltia, CR7 zgjodhi të njëjtin gjest të trajnerit të Atletico Madridit, Diego Simeone, i cili kishte festuar në mënyrë të turpshme në Wanda Metropolitano.
Ndërsa në konferencën për shtyp pas ndeshjes, strategu argjentinas e ka komentuar festën e 34-vjeçarit.
“Cristiano Ronaldo është më i miri në botë, ai di të bëjë performanca të këtilla në mbrëmjet e mëdha. Ai e ka parë atë që kam bërë në Wanda Metropolitano dhe njësoj si unë, ka dashur të tregojë karakter”, ka thënë Simeone.
What a night. Ronaldo’s hattrick was overshadowed by this. Ffs #UCL #JuveAtleti pic.twitter.com/EqR6R5uT0M
— nakama ? (@YouNakama) March 12, 2019
