Periskopi

Situata me rrymën, KOSTT thirr konferencë për media

24 Dec, 10:41

KOSTT ka ftuar konferencë për media gjatë ditës së sotme për shkak të gjendjes jonormale me energji elektrike në Kosovë, e cila po shoqërohet me reduktime të rrymës.

Kjo konferencë po thirret pasi priten reduktime të rrymës gjatë kësaj periudhe të dimrit si pasojë e rritjes së konsumit.

KOSTT-i njoftoi se kjo konferencë në Prishtinë do të fillojë nga ora 15.

”Pikat kryesore që do të adresohen: -Rritja e konsumit krahasuar me vitin e kaluar; -Ngarkesa maksimale e arritur (dhe pritshmëria për rritje të mëtejshme në ditët më të ftohta); -Rreziku i mundshëm i reduktimeve të kontrolluara në rast mbingarkese; -Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut”, thuhet në këtë njoftim.

Në njoftimin e KOSTT-it thuhet se tema është për gjendjen aktuale të Sistemit Elektro-Energjetik të Kosovës dhe thirrje për përdorim të përgjegjshëm të energjisë gjatë sezonit dimëror

Ndërsa, ditëve të fundit janë raportuar ndërprerje të rrymës kudo nëpër Kosovë, përfshirë edhe qendrën e Prishtinës. Tashmë çdo dimër po kalon me reduktime të mëdha, ndërsa gjendja e sektorit të energjisë është tejet e rëndë./Periskopi

Shpërndaje në: