Sociologu pas ardhjes së 50 automjeteve ushtarak: Kosova s’mund të pushtohet nga Serbia
Sociologu i mirënjohur kosovar, Fadil Maloku, ka bërë një postim në profilin e tij në Facebook duke thënë që me armatimin e sofistikuar Kosova s’mund të pushtohet nga Serbia për 9 muaj.
Ai ka deklaruar që “Kosova nuk është Afganistan” në aspektin ushtarak, megjithëse ushtria afgane që humbi luftën me Talebanët kishte një ushtri më të madhe, më të përgatitur dhe më të armatosur.
Maloku beson që Kosova nuk mund të pushtohet lehtësisht nga Serbia, përcjell Periskopi.
Ai një gjë të tillë e bazon në 50 mjete ushtarake të blinduara që mori Kosova si donacion nga Shtetet e Bashkuara të Amerikës para ca ditësh.
Statusi i plotë:
Me armatim të sofistikuar, Kosova jo për 9 orë po për 9 muaj, s’mund të pushtohet nga Serbia!
- Ky kontigjent i mjeteve ushtarake, dëshmon më së miri se Kosova nuk është Afganistan. Ku ushtria e vendit kolapsoj për pak kohë, vetëm e vetëm si tha Presidenti Joe Biden, se “nuk deshën të luftojnë për vendin e tyre”!?
- Tani kur të krahasohet kjo shkallë gatishmërie e FSK-ës,(anipse, ende e paarmatosur sa dhe si duhet), kuptojmë që nuk qëndron krejt çështja vetëm te armatimi, por edhe te morali dhe gatishmëria e një shteti dhe populli për ta mbrojtur vendin e vetë.
- E gjithē ata “analista” që shprehën dyshimin dhe mbjellën defetizmin se gjëja Kosova … madje edhe Shqipëria mund të pushtohen lehtësisht, për vetëm 9orë nga ana e Serbisë, duhet thënë se e kishin gabim!
Thank you USA!
