Startup Weekend rikthehet në Prishtinë

Startup Weekend rikthehet në Prishtinë

Të rinjtë me ide biznesi dhe të etur për ndërmarrës, e kanë rastin të takohen dhe të zhvillojnë projektet e tyre, prej 18-20 Nëntor në hapësirat e Innovation Centre Kosovo (ICK), ku edhe zhvillohet gara më e madhe në botë, e cila pas dy viteve rikthehet në Prishtinë – Startup Weekend. Për më shumë, ky edicion është pjesë e Global Startup Weekend, dhe moderohet nga Jernej Dekleva, udhëheqës i kësaj gare në Kopenhagë.

Startup Weekend është ngjarje 54 orëshe, që për synim kryesor ka edukimin e ndërmarrësve të rinj nga sektorë të ndryshëm. Nga e premtja e 18 Nëntorit, deri të dielen më 20 Nëntor, mëse 100 të rinj nga qytete të ndryshme të Kosovës do të krijojnë ekipe, bashkojnë forcat me bashkëmoshatarë dhe zhvillojnë idenë për biznes në të cilën besojnë.

Jeni vetëm? Nuk keni ekip? Ekipi krijohet në Startup Weekend Prishtina, nën mentorim të drejtpërdrejt nga ekspertë të fushave të ndryshme, të përkushtuar të qëndrojnë pranë ekipeve gjatë gjithë vikendit.

Çmime për fituesit? Po. Informatat do të dërgohen tek të gjithë kandidatët. Jo një, por tetë ekipe do të përfitojnë nga gara.

Startup Weekend është mundësi unike për të testuar shkathtësitë dhe idetë para daljes në treg, nëpërmjet inovacionit, rrjetëzimit dhe edukimit.

Mëse 23 mijë ekipe startup nga e mbarë bota të krijuara gjatë Startup Weekend. Në 150 shtete të botës (më shumë se Starbucks).

Udhëzime për të gjithë kandidatët e interesuar për t’u regjistruar në Startup Weekend Prishtina 2016:

 

  • Linku për regjistrimKËTU 
  • Kandidatët që nuk mund të kryejnë pagesën online (10 Euro) duhet të zgjedhin opsionin “Enter Promotional Code” dhe të shkruajnë SWP.
    3. Me biletën e printuar apo elektronike, pagesa CASH kryhet në Innovation Centre Kosovo (Rexhep Mala, 28A, Prishtinë), çdo ditë pune prej 08:00-16:00.

 

Startup Weekend Prishtina mundësohet nga Innovation Centre Kosovodhe fuqizohet ngaAmbasada e Suedisë në Prishtinë

Shpërndaje në: