Thiago Silva do të ketë ribashkim të sikletshëm me Tuchel te Chelsea, pas asaj që kishte thënë së fundmi për të
Thiago Silva ishte lojtari i parë që i kushtoi tribut Frank Lampardit në rrjetet sociale, pas shkarkimit nga Chelsea.
Duke reflektuar në trajnerin i cili e transferoi atë në ‘Stamford Bridge’ këtë verë, qendërmbrojtësi u solidarizua me të duke e falënderuar për gjithçka.
Tash, gjermani Thomas Tuchel është në pole pozicion për ta zëvendësuar legjendën e klubit londinez në postin e trajnerit, transmeton Periskopi.
Ai pritet ta marrë drejtimin e Chelseat pas më pak se një muaji prej shkarkimit nga Paris Saint-Germain.
Silva ishte pjesë e PSG-së prej vitit 2012 deri më 2020 dhe, poashtu, kishte punuar me Tuchelin.
Dhe mbrojtësi kishte folur për ish-trajnerin e tij pas shkarkimit në dhjetor dhe, derisa komentet e tij ishin shumë të sinqerta, deklarata e tij nuk është shumë ngazëllyese për Tuchelin, me të cilin ai do të punojë përsëri.
”Është e vështirë, por e parashikova se ky shkarkim do të ndodhte,” pati thënë Silva për ‘RMC’.
”Jo tani, por të qenurit brenda, e dinim se kishte situata që duhej ndryshuar.
”Sipas mendimit tim, Leonardo mori situatën në duar, ai mori vendime.
”Nuk e dimë nëse ishte e mirë, nuk ishte aspak për Tuchelin dhe stafin e tij. Ky ndryshim nuk ishte i planifikuar për këtë kohë.”
Silva qartazi e përkrahu klubin për shkarkimin e trajnerit. Pak dinte ai se do të ribashkohej me të një muaj më vonë. /Periskopi.com/
