Trumpi beson se udhëheqësi i ri suprem është “i dëmtuar”, por “ndoshta gjallë”
Presidenti amerikan Donald Trump tha se beson që Ajatollah Mojtaba Khamenei është “i dëmtuar”, por “ndoshta gjallë”.
“Mendoj se ndoshta është. Mendoj se është i dëmtuar, por mendoj se ndoshta është gjallë në një farë mënyre, po,” tha Trump për Fox Radio.
Udhëheqësi i ri iranian thuhet se u plagos gjatë ditëve të para të luftës, por ende nuk është parë nga publiku pas emërimit të tij.
Khamnei thuhet se lëshoi një mesazh të parë të enjten, i cili më pas u lexua në median shtetërore iraniane të enjten nga një prezantuese lajmesh, duke ngritur pyetje se pse ai nuk u pa ose nuk u dëgjua.
Një burim i njohur me situatën i tha më parë CNN-së se Khamenei pësoi një frakturë në këmbë dhe lëndime të tjera të lehta në ditën e parë të fushatës së bombardimeve të SHBA-së dhe Izraelit, transmeton Klankosova.tv.
Në një konferencë për shtyp të hënën, Trump tha se ishte “i zhgënjyer” nga emërimi i Khameneit, “sepse mendojmë se kjo do të çojë në më shumë nga të njëjtat probleme për vendin”./Periskopi
