Ulje e ndjeshme e temperaturave dhe reshje bore nesër në Kosovë

Një ciklon i fuqishëm pritet të sjellë ulje të ndjeshme të temperaturave dhe reshje lokale bore në viset kodrinore-malore të Kosovës.

Dita e martë do të nisë me reshje shiu, ndërsa pasdite ajri i ftohtë polar do të përhapet në të gjithë territorin.

Reshje të dendura bore priten në Malin e Zi dhe vende të caktuara në Shqipëri, Maqedoni Veriore dhe Luginën e Preshevës.

Stabilizim gradual i motit parashikohet të mërkurën, ndërsa të enjten dhe të premten do të ketë ndryshime të shpeshta të temperaturave dhe reshje të reja shiu e bore./Periskopi/