Veseli në Pejë me shumë të rinj që i janë bashkuar PDK-së

Periskopi.com Lajme

Kryetari i PDK-së Kadri Veseli është takuar në Pejë me dhjetëra vajza e djem i që i janë bashkuar PDK-së në kauzën e Veselit kundër korrupsionit dhe krijimin e shanseve të barabarta për të gjithë qytetarët pa dallim.

Kreu i PDK-së, Veseli ka shkruar në faqen e tij në Facebook se anembanë Kosovës, janë të shumta gratë, të rejat dhe të rinjtë, që i janë bashkuar me besimin se vetëm PDK ofron mundësi të shumta dhe ka vizionin më të mirë për të ardhmen e Kosovës.

“Edhe në Pejë, sikurse anembanë Kosovës, janë të shumta gratë, të rejat dhe të rinjtë, që na janë bashkuar me besimin se vetëm partia jonë ofron mundësi të shumta dhe ka vizionin më të mirë për të ardhmen e Kosovës. Janë të bindur se duke luftuar korrupsionin dhe nepotizmin, ne do t’i çlirojmë energjitë zhvillimore të vendit tonë dhe do i japim fund emigrimit të të rinjve. Grave dhe të rinjve, këtyre dy kategorive të rëndësishme të shoqërisë, u garantoj më shumë zë dhe më shumë rol në të ardhmen!”, ka shkruar Veseli.

Shpërndaje në: