Përfundon raundi i parë i meçit Joshua – Parker (Foto)

Periskopi.com Sporti

 

Ka përfunduar meçi i parë i super meçit Joshua – Parker.

Meçi i parë ishte shumë taktizues, ku të dy boksierët studiuan njëri tjetrin.

Boksierët janë duke u ndeshur për titulllin e botës, Joshua për WBO, ndërsa Parker për WBA dhe IBF.

 Vlen të theksohet se meçin mund ta shikoni live tek ‘Fight Sports’ në Facebook.

Edhe këtu mund ta ndiqni meçin e vitit Joshua-Parker (Video)

Periskopi.com Sporti

 

Sonte Anthony Joshua do të ndeshet me Joseph Paker në Cardiff.

Boksierët do të ndeshen për titulllin e botës, Joshua për ËBO, ndërsa Parker për ËBA dhe IBF.

Meçi pritet të fillojë për afro 10 minuta.

Këtë super duel mund ta shikoni edhe në linkun më poshtë:

KLIKO KETU

 

Ky kanal shqiptar e transmeton live meçin Joshua – Paker (Foto)

Periskopi.com Sporti

 

Sonte Anthony Joshua do të ndeshet me Joseph Paker në Cardiff.

Boksierët do të ndeshen për titulllin e botës, Joshua për WBO, ndërsa Parker për WBA dhe IBF.

Meçi pritet të fillojë për afro 10 minuta

Këtë super duel mund ta shikoni në Tring 4 në platformën Kujtesa.

Ky është shqiptari që pagëzohet sonte nga Papa Françesku

Periskopi.com Lajme

 

Sot besimtarët katolikë festojnë Natën e Madhe të Pashkës. Papa Francesku do të kremtojnë në bazilikën e Shën Pjetrit në Vatikan Meshën e Shenjtë të Natës së Pashkës.

Gjatë kësaj Meshe Papa Françesku do të pagëzoj me besimin e krishterë 8 të rritur të moshës nga 27-52 vjeç mes të cilëve dhe një shqiptar.

Shqiptari që do të pagëzohet me besimin e krishterë nga Ati i Shenjtë është Kastriot Cristian 27 vjeç.

Së bashku me të janë dhe 4 italianë, një emigrant nigerian, një amerikan si dhe një shtetase nga Peru. Ndër 8 krishterët e rinj që do ta marrin bekimin nga Papa Françesku, 3 janë gra.

Një histori të veçantë mes 8 personave që sot do të marrin bekimin e krishterë të Papës është dhe emigranti nigerian John Ogah 31 vjeç, i njohur dhe si emigranti hero që në natën e 27 shkurtit 2017 vuri jetën në rrezik duke u përleshur me një person të armatosur që po tentonte të grabiste një supermerkatë në një lagje në periferi të Romës.

Nuk është hera e parë që në Meshën e Natës së Madhe të Pashkës Papa Francesçu pagëzon një shqiptar. Në Pashkën e vitit 2016, Ati i Shenjtë ka pagëzuar në të krishterë dy gra shqiptare Bernarda e Dasada Dervishi 30 e 27 vjeçe.

Riti i pagëzimit në besimin e krishterë të personave të rritur është një ceremoni tradicionale e festës së Pashkës katolike.

 

Joseph Parker paralajmëron Joshuan, hynë në ring me këtë këngë (Video)

Periskopi.com Sporti

Joseph Parker është gati për t’u futur në ring dhe për të boksuar me Anthony Joshuan

Edhe pak minuta na ndajnë deri në fillimin e meçit të vitit 2018, ku do të takohen Joshua dhe Parker, transmeton Periskopi.

Parker tashmë gjendet në ring ndërsa deri aty është shoqëruar nga kënga e njohur e Roy Jones ‘Can’t be touched’.

Pas pak në ring do të vjen edhe Anthony Joshua. /Periskopi/

Ipeshkvi i Kosovës: Këta që i tradhtuan turqit, nesër mund ta dorëzojnë edhe kryeministrin

Periskopi.com Lajme

 

Në Katedralen “Shën Nënë Tereza” në Prishtinë po mbahet mesha kryesore e festës së Pashkëve.

Ipeshkvi i Kosovës, Dodë Lush Gjergji, në fjalimin e tij gjatë kësaj ceremonie, përveç tjerash u deklarua edhe për ngjarjen e ditëve të fundit me deportimin e gjashtë shtetasve turq.

“Ne ata i kemi tradhtuar. I kemi prerë në besë. Këta që i kanë tradhtuar turqit nesër mund ta presin në besë edhe kryeministrin”, është shprehur ai.

Para shumë besimtarëve Gjergji ka folur edhe për dashurinë që duhet ta kemi me njëri tjetrin, sepse ajo bashkon familjet. Kjo dashuri sipas tij më shumë dhurohet se sa kërkon shpërblim dhe duhet të arrihet në çdo zemër të njeriut.

Gjergji u shpreh po ashtu se sot është krijuar një realitet i rëndë, ku iu krijua dyshimi, mosbesimi dhe hidhërimi, dhe kjo sipas tij vjen si boshllëk i dashurisë ndaj njëri-tjetri.

“Sa më e zbehtë është dashuria aq më e madhe është urrejtja për njerëzit”, deklaroi ai gjatë meshës së mbrëmjes

 

 

Anthony Joshua po i veshë dorëzat, është gati për meçin e vitit! (Video)

Periskopi.com Sporti

Edhe pak minuta kanë mbetur deri në fillimin e meçit të boksit ndërmjet Anthony Joshua dhe Joseph Parker

Dy boksierët që nuk kanë pësuar akoma humbje do të përballen pas disa minutave në Kardif, shkruan Periskopi.

Interesimi është mjaft i madh për këtë takim ku mbi 70 mijë persona janë të pranishëm në stadiumin e Kardifit.

Joshua po i veshë dorëzat dhe po përgatitet për të dalur në skenë. /Perskopi/

‘Këtë vit sigurt do të ketë zgjedhje’

Periskopi.com Lajme

 

Politiologu, Ramush Tahiri, ka folur rreth daljes së Listës Serbe nga qeveria dhe mundësinë e zgjedhjeve të parakohshme.

Ai duke folur në televizionin publik në gjuhën serbe, ka thënë se veprimi i Listës Serbe, është demokratik, ani pse ajo është një faktor i rëndësishëm për qeverinë.

Ndërsa duke folur për atë nëse kjo qeveri tani është e qëndrueshme, Tahiri ka thënë se qeveritë e pakicës asnjëherë nuk janë të qëndrueshme, dhe vendi këtë vit pritet të shkojë në zgjedhje.

“Qeveritë e pakicës kurrë nuk mbijetojnë më shumë se një vit, kryesisht jetojnë gjashtë muaj. Kështu që këtë vit sigurt do të ketë zgjedhje. Ndoshta zgjedhjet do të mbahen në qershor, ose më së largu në muajin shtator”, ka thënë Tahiri.

Rikujtojmë momentin kur Joshua ia bëri bajat boksin Klitschkos (Video)

Periskopi.com Sporti

Anthony Joshua sonte do të përballet me Josep Parker në Kardif me fillim nga ora 23:30

Boksieri britanik akoma nuk ka pësuar humbje, ndërsa sonte nuk pritet që të ketë punë të lehtë me Joseph Parker, i cili poashtu është i pamposhtur, shkruan Periskopi.

E kur na ndajnë pak minuta nga meçi i vitit 2018, kujtojmë se çka i bëri Joshua boksierit ukrainas vitin e kaluar.

Joshua e kishte nokautuar Klitchkon në rundin e 11-të, ndërsa gjatë gjithë meçit e kishtë rrëzuar plotë tre herë.

Kujtojmë që Parker ka të zhvilluar 24 meçe, 24 fitore – 18 me KO. Kurse, Joshua 20 meçe, 20 fitore – 20 me KO. /Periskopi/

Besim Dina martohet sonte? (Video)

Periskopi.com Showbiz

Kushdo që e ndjekë ndër vite ka një ‘hall’ të konsiderueshëm – ‘rehatimin’e tij

Fjala është për humoristin Besim Dina i cili shpesh komentohet mbi jetën e tij private dhe faktin që akoma se ka gjetur personin e zemrës.

Me këtë fakt, ai shpesh parodizion edhe në emisionin e tij por sonte, duket të ketë shkuar një hap më tej.

Në episodin e dytë nga starti i ri në Klan Kosova, humoristi duket të ketë inskenuar martesën e tij, duke i hequr këtë peng ndjekësve të tij të shumtë.

Se çka realisht ka bërë Besimi, na mbetet ta kuptojmë në pak minuta, nga ora 21:00 në Klan Kosova ku mes tjerash, rrëfim ekskluziv do ketë nga lideri i Nismës Socialdemokrate, Fatmir Limaj i cili vjen në një tjetër dimension. /Prive.al

OXYGEN PROMO 31.03.2018 ora 21:00 në KLAN KOSOVA

Rrëfim ekskluziv i Fatmir Limajt – kë e shpëtoi në luftë?, tregon ëndërron e tij të thyer, dikujt i kërkon falje dhe shumë detaje të tjera për tëOXYGEN PROMOE shtunë, 31 mars, në orën 21:00 në Klan Kosova

Posted by Oxygen Show on Wednesday, 28 March 2018

Dëshironi të shikoni gol të bukur? Ja ku e keni ‘perlën’ e Ibrahimovicit (Video)

Periskopi.com Sporti

Zlatan Ibrahimovic ka debutuar me dopiet në fanellen LA Galaxy

Sulmuesi suedez iu bashkua ditë më parë LA Galaxyt ndërsa sot shënoi dy gola në debutim, shkruan Periskopi.

La Galaxy fitoi me rezultat 4:3 ndaj Los Angelos FC, ndërsa goli i parë i Ibras ishte thjeshtë mrekulli.

Në videon e mëposhtme mund t’i shihni golat e Ibrahimovicit. /Periskopi/

Juventusi shumë i fortë për Milanin (Video)

Periskopi.com Sporti

Juventus ka mposhtur me rezultat 3:1 Milanin

‘Zonja e Vjetër’ ka shënuar një fitore tejet të rëndësishme në garën për titull duke e mposhtur Milanin në shtëpi, shkruan Periskopi.

Golat për Juventusin u shënuan nga Dybala 13′, Cuadrado 79′, Khedira 87′, ndërsa për ‘Rossonerët’ shënoi Bonucci në minutën e 28-të.

Juve tani i prinë tabelës me 78 pikë, katër më shumë se Napoli që ka 74 pikë. /Periskopi/

Limaj thumbon Hashim Thaçin: Ai nuk ka shokë

Periskopi.com Lajme

 

Fatmir Limaj, dikur mik dhe bashkëpunëtor i ngushtë me Hashim Thaçin, tash pothuajse nuk flasin fare.

Limaj mysafir në emisionin Oxygen të Besim Dinës, që nga sonte ka filluar transmetimin në Klan Kosova ka folur për raportet e tij me Hashim Thaçin.

Ai ka thumbuar ish mikun e tij, duke thënë se Hashim Thaçi nuk ka shokë.

“Nëse e pyet Baton Haxhiun kë e ke më shok, mua apo Hashimin, Batoni do të thoshte për të, por e vërteta është se unë e kam më shok Batonin se sa Hashimi, pasi ai në realitet nuk ka shokë”, ka thënë Limaj, duke thumbuar presidentin aktual të vendit, dhe kundërshtarin e tij politik.

Mbi turqit e Mehmet Akifit

Fatlum Sadiku Op-Ed

 

Miku im Armend Mazreku tha një të vërtetë të madhe para ca dite. ‘Bosnjëzimi i Kosovës këtu shihet si islamizim, jo si copëzim territoral’. Buja e këtyre dy-tri ditëve për arrestimin e disa pjestarëve të një organizate terroriste që më shumë se njëhere ka tentuar përmbysjen e rendit politik (dhe jo vetëm artij partiak) në Turqi ma vërtetoi në tërësi pohimin e mikut. Më shumë po reagohet për deportimin e pjestarëve të Organizatës terroriste FETO, sesa për Zajednicën që e kemi në prag të dyerve.

Kjo dosido mi kthen në mendje vitet e pragluftës në Bosne. ‘Alija hoce da napravi od Bosne jedan mali Dzamahiri’ (‘Alija do që nga Bosnja ta krijojë një Xhamahiri të vogël’) vikasnin politikanët e jugosllavizuar boshnjakë që thirreshin në distancim nga çdolloj  përkitjeje me fenë në prag të luftës në Bosnë. Por kur erdhi lufta, për Ratko Mllaidiqin boshnjakët s’qenë gjë tjetër pos se myslimanë. Njejtë siç janë për botën. Pas tridhjetë vitesh para sysh kam pasqyrën e njejtë: Fikret Abdiqë e Adil Zylfikarpixhë ngado që të sillesh.

Njerëz të liderit në ekzil të Organizatës FETO në korrikun e parvjetmë, patën vjedhur helikopterë të ushtrisë, dhe me to patën gjuajtur në civilë. Qindra njerëz përfshirë pleq e fëmijë, vdiqën dhe mijëra u plagosën. Kujtoj se pata kaluar netë e ditë,  duke telefonuar familjarë e miq në Turqi, të cilëve po u rrezikohej jeta. Pozitë e opozitë turke patën reaguar në unison dhe boshti anti-FETO qe ngritur mbi dallimet partiake e ideologjike.  Qëndrimi kosovar ndaj zhvillimeve të asokokshme në Turqi, kësaj organizate si edhe në gjithçka tjetër u diktua jo nga reflektimi i pavarur, por nga ai I mediave perëndimore, dhe natyrisht nga ambasadës amerikane.

Brenda nate KLERIKU Fetullah Gylen qe kthyer në sekularin, perendimorin, e demokratin më të madh të Turqisë Dhe atë nga kush? Nga ata që realisht për Turqinë kanë para-qëndrim univok: urrejtës. Kjo meqë Turqia sekulare e viteve 20-60, shihet si zbrazëse e Kosovës, (ikja nga dhuna serbe dhe sterhimi në Turqi shihen si zbrazje jo si strehim); ajo e viteve 60-80 si gjuntë ushtarake (kjo e saktë, dhe s’ia vlen të merret për yrnek), ajo e NATO-s më 1999 në raatin më të mirë si ndihmuese me bisht kurse në atë më të keq si e detyruar nga SHBA-të; si dhe krejt në fund kjo e pas 2002-tës si islamiste.

Çka flet kjo? Flet se ekziston diçka apriori refuzuese ndaj këtij vendi/kulture, pa e parë, pa e vizituar, pa ia lexuar as të djeshmën, e as të sotmën. Një ndjeshmëri që shoqërohet nga një prirje per-se e kulturalizimit të gjithçkaje, një inerci që disi duket se përpëlitet t’i bije mohit gjithçkaje që ka ardhur e vije nga andej, e që ka rastisur të mos jetë pak. Gjithë çfarë  shenjon reagimet ndaj këtij vendi, buçet kulturalizim. Nuk kemi pra Turqi shtet, Turqi të ekonomisë, Turqi të marrëdhënjeve ndërkombëtare,  madje as Turqi që mund edhe të mos çoj peshë, interesimi (Turqi anonimat), por vetëm Turqi kulturore. Vetë kumti i ekzistencës së saj: është kod, shenjë e shenjim, simbol e simbolizim, për diçka të pahobnepsshme, të pakapërdijshme. Nga çka assesi të lirohemi. Ndaj e kam të pamundur të lëshohem në diçka racionale, kur s’ka terren për diç të tillë. Kur  gjithë çfarë buçet është vetëm një lëmsh, një duf që shpirti ksenofob lëshon nga brenda.

Hipokrizia është aq e madhe saqë s’ka as se si të fshihet. Turqit e Mehmet Akifit s’paraqisnin problem, përderisa nuk dihej (të paktën jo nga masa e përgjithshme) se prapa tyre qëndron një klerik si Gylen. Edhe kur kjo u morr vesh, askush nuk reagonte meqë shumica e politikanëve kosovar, përfshi shumë familje të kamura kosovare edukojnë fëmijët e tyre aty. Madje në këtë vend as që ka pyetur ndokush ndonjeherë kush dhe si i dha leje funksionimi Mehmet Akifit që më 1999. “Gyleni disident” u fabrikua që në momentin kur u zbula/doli në shesh konflitki i tij me Erdoganin, pasuar nga financimi që Gylen i bëri kontraluftës mediale në Ballkan. Dhe krejt kjo së bashku me hipokrizinë që se lane as Ibri as Sitnica: të qenit e Gylenit shenjues edhe më religjioz se sa vetë Erdogani/pushteti i tij.

E kur prirja hipokrite vërehet që në stad ndjeshmërie, s’ke se si t’i hysh rrugës sfilitëse të përballjes racionale. Është fare e qartë: më shumë bujë bën dorëzimi i disa njerëzve që jo vetëm s’janë distancuar nga ndërmarrja vrastare 2015-tës, por edhe kanë vazhduar të punojnë për organizatën e njejtë – se sa krijimi i Zajdenicës serbe nga Vuçiq,  njeriu që më 1999 ishte Ministër Informimi i Millosheviqit (pra që e njoftonte se sa shqipataë janë korrur). Asgjë pos rikthimit të servilëve boshnjakë s’më del parasysh: ‘Alija hoce da napravi jedan novi Dzamahiri od Bosne!’

 

Messi e shpëton Barcelonën nga humbja (Video)

Periskopi.com Sporti

Sevilla dhe Barcelona luajtën baraz 2:2 në derbin e javës në La Liga

Sevilla ishte shumë afër që t’ia shkaktonte humbjen e parë Barcelonës këtë edicion, por Leo Messi dhe Suarez shënuan në fund të takimit për ta evituar një humbje të katalunasëve, shkruan Periskopi.

Golat për vendasit në këtë takim u shënuan nga Vasquez 36′ dhe Muriel 50′, ndërsa për katalunasit shënoi Suarez në minutën e 88-të dhe Messi në të 90-tën.

Barça vazhdon të jetë në pozitën e parë tani me 76 pikë, ndërsa Sevilla është në vendin e gjashtë me 46 pikë. /Periskopi/

Dhjetë deklaratat më absurde të Erdoganit

Periskopi.com Lajme

 

Lexoni dhjetë deklaratat më absurde të Erdoganit:

 

1.Ne e njohim Holandën dhe holandezët që nga masakra e Srebrenicës. E dimë se si i kanë vrarë atje 8 mijë boshnjakë. Historia e tyre është e errët, e jona e pastër.

2. Nuk ka investim pa rrezik. Kush dëshiron të jetojë pa rreziqe, nuk duhet të blejë as bocë me gaz për kuzhinë.

3.Gjermania po përdor metoda naziste.

4. Holanda është republikë e bananeve.

5. Komuniteti dhe njeriu turk kudo që shkojnë sjellin dashuri, miqësi, qetësi dhe rehati. Urrejtja dhe armiqësia kurrë nuk mund të jenë çështje e jona.

6. Myslimani nuk mund të kryejë gjenocid.

7. Demokracia është vetëm tren, në të cilin ne hipim derisa të arrijmë cakun. Xhamitë janë kazermat tona, minaret bajonetat tona, kupolat janë helmetat tona dhe besimtarët janë ushtarët tanë (duke cituar një poezi me motive fetare të autorit Ziya Gökalp).

8. Kontaktet mes Amerikës Latine dhe islamit mund të zbulohen deri në shekullin e ’12. 314 vite para Kolombos detarët myslimanë arritën në vitin 1178 në kontinentin amerikan. Vetë Kolomboja përmend një xhami në një kodër në bregdetin e Kubës.

9. Gratë dhe burrat nuk mund të jenë në pozita të njëjta. Kjo është kundër natyrës, sepse natyrat e tyre janë të ndryshme.

10. Ata që vijnë në botën islame duan naftë, ar dhe diamante, duan fuqi të lirë punonjëse dhe duan ngatërresa dhe grindje. Ata nuk duan që ne të vëmë në dyshim gjërat. Besomëni, ata nuk na duan.

Analistët Shkullaku dhe Bushati thirrje për rrëzim me dhunë të Edi Ramës

Periskopi.com Lajme

 

Portali Lapsi.al, me drejtues Andi Bushatin dhe Armand Shkullakun, ka bërë një shënim pas protestës së Kukësit, me titullin: “Pse flakët në Rrugën e Kombit janë në mbrojtje të pronës së përbashkët”.

Në këtë shënim argumentohet se ata që hodhën gurë dhe ndezën akë këtë të shtunë në Rrugën e Kombit, nuk janë shkatërruesit, mbrojtësit e parë të pronës së përbashkët.

“Sot, pas vitesh drejtimi si një kryeministër i majtë, Edi Rama u kujtua të interesohet për pronën e përbashkët. Pasi protestuesit e Rrugës së Kombit i vunë akën pikës arbitrare të mbledhjes së taksave, pasi ata zbythën policinë dhe shakatërruan atë monument simbol të një pushteti që drejton vendin sipas interesave të oligarkëve, kryeministri vendosi të përgjërohet për një pasuri që na përket të gjithëve, në një përpjekje të dëshpëruar për të kundërvendosur protestuesit me pjesën tjetër të popullsisë. Por në fakt pozicionimi i Ramës në mos është i gabuar është krejtësisht i rremë. Sepse ata që hodhën gurë dhe ndezën akë këtë të shtunë në Rrugën e Kombit, nuk janë shkatërruesit, por mbrojtësit e parë të pronës së përbashkët. Ata nuk janë njerëzit “që do të marrin përgjigjen e merituar” pasi guxuan të shkatërrojnë, por ata janë pionierët e një lëvizjeje që duhet t’i thotë ndal grabitjes që një grusht njerzëish i bëjnë pjesë më të madhe të shqiptarëve.

Flaka që u vu sot në traun e pagesave pranë tunelit është e njëjtë me zjarrin që mund t’i vihet laboratorëve ku bëhet Check Up-i, me sulmin që mund t’u bëhet kullave që po ngrihen si partneritet publik privat mbi toka shtetërore, me goditjen që mund t’u bëhet investimeve strategjike Nëse pushteti vazhdon në këtë rrugë edhe këto nuk do të jetë çudi që të ndodhin. Por asnjëri nga ata që do ta marrë këtë guxim nuk mund të konsiderohet si dhunues, por si mbrojtës i një pasurie publike që po e grabisin për ditë Edi Rama me 5-6 oligarkë”, thuhet në shkrim.

Shkelzen Maliqi propozon qeveri teknike

Periskopi.com Lajme

 

Analisti Shkelzen Maliqi ka propozuar qeveri teknike për Kosovën. Ai thotë se brenda një kohe të shkurtër do të ishte mirë t’i përgatisin zgjedhjet , duke u fokusuar në përmbushjen e obligimeve që nuk mund të presin.

‘Por e mira mund të bëhet vetëm nëse atyre nuk u jepet më mundësia që të vendosin për hapat e daljes nga kriza. Kjo do të jetë mjaft vështirë e realizueshme, por jo e pamundur’, ka shkruar Maliqi.

Sipas tij, ‘me budallaki e arrogancë’, udhëheqësit e sollën vendin në këtë gjendje.

 

Ja shkrimi i plotë në Facebook:

Ndoshta është mirë që me budallaki dhe arogancë në veprime dhe mosveprime, e sollën veten dhe vendin në këtë derexhe që nuk mund të zghidhet më me improvizime dhe kombinime interesash të ngushta liderësh dhe liderucësh pa vizione dhe shkathtësi politike. Por e mira mund të bëhet vetëm nëse atyre nuk u jepet më mundësia që të vendosin për hapat e daljes nga kriza. Kjo do të jetë mjaft vështirë e realizueshme, por jo e pamundur. Instrumenti mund të jetë Qeveria teknike e udhëhequr (disa poste kyçe) nga ekspertë të pavarur nga politika dhe nga ekspertët që propozojnë partitë. Mandati i QP do të ishte që brenda një periudhe optimale, sa më të shkurtë, të përagatisin zgjedhjet, duke u fokusuar edhe në përmbushjen e obligimeve shtetërore që nuk mund të presin (dialogu me Serbinë, liberalizimi i vizave etj.). Formula më pragmatiste do të ishte kohabiticioni ku asnjë nga udhëheqësit të subjeketve politike nuk do të lejohet të ketë poste ekzekutive, por mund të udhëheqin partitë dhe fushtat parazgjedhore.

Edi Rama paralajmëron se edhe një rrugë tjetër do të bëhet me pagesë

Periskopi.com Lajme

 

Paralelisht me protestën në stacionin ku kryhej pagesa për kalimin në Rrugën e Kombit, kryeministri shqiptar, Edi Rama ishte duke folur për strategjinë e punësimit, por nuk ka anashkaluar një përgjigje për të gjithë ata që kundërshtojnë pagesën për rrugën.

Numri një i qeverisë, njëherësh deputet i qarkut të Vlorës, tha se ekipi që ai drejton ka projekte të tjera për rrugë me koncesion ku të gjithë ata që do të qarkullojnë do të paguajnë.

“Kemi, shpresoj, edhe mundësinë për të filluar me projektin Kashar-Rrogozhinë -Vlorë, në mënyrë që lidhja të bëhet direkte dhe aty do të synojmë një tjetër skemë. Pra kemi skemat e PPP, këtu do të kemi skemën e buxhetit (rrethrrotullimi i Shqiponjës) dhe aty (Kashar-Rrogozhinë -Vlorë) do të kemi skemën e pagesës. Pra, me një rrugë me pagesë që t’i mund të vish nga Tirana në Vlorë për gjysmën e kohës që vjen sot. Kush do të paguajë, paguan, kush s’do të paguajë kalon, vazhdon jetën siç bën sot. Kjo është rruga. Këto janë kantieret, ka shumë profesione që duhen”, tha Rama, raporton OraNeës.

Dy ditë më parë, pikërisht për këtë debat, kreu i qeverisë tha në Parlament se për përdoruesit e shpeshtë, për banorët e zonës, do të ketë një sërë masash lehtësuese.

 

​Ushtria siriane ka pushtuar shumicën e qyteteve në Gutan Lindore

Periskopi.com Lajme

 

Ushtria siriane ka pushtuar shumicën e qyteteve dhe fshatrave në Gutan Lindore dhe po vazhdon operacionet kundër bastioneve të fundit rebele.

Njoftimin për fitoren e ushtrisë siriane në Guta e ka bërë një zëdhënës i ushtrisë siriane, i cili tha se Damasku ishte i sigurt për fitoren në fushatën ushtarake që zgjati disa javë.

Bombardimet në Guta dhe vrasja e civilëve kishte ngritur shqetësimin në tërë botën, ku zyrtarë botërorë deklaronin se “në Guta ka zbritur ferri”.

Po ashtu OKB kishte kërkuar armëpushim 30 ditorë, për tu mundësuar organizatave humanitare të hynin në këtë vend/