Mushkolaj-Ahmetit: Të pres si analist në debate, në rrugë të duhur je

Periskopi.com Lajme

Analisti Imer Mushkolaj ka replikuar me kryetarin e Prishtinës Shpend Ahmeti, në lidhje me reagimin e këtij të fundit rreth marrëveshjes që u bë sot në Bruksel mes Kosovës dhe Serbisë.

Mushkolaj tha se Ahmeti nuk ishte personi që duhej të fliste për marrëveshjet e vendit, pasi është kryetar i një komune dhe asgjë më shumë.

Pas kësaj Ahmeti përmes lidhjes telefonike tha se para se të jetë kryetar i Prishtinës, është edhe qytetar i vendit dhe kështu do i interesonte çdo marrëveshje që ndërmerret.

‘’Jam kryetar i kryeqytetit që ka qindra mijëra banorë dhe normalisht që e shprehi mendimin tim për marrëveshje të caktuara.’’

Mushkolaj replikoi duke i thënë se ‘’je në rrugën e duhur për analist, të pres në debat muajin e ardhshëm.’’

Ahmeti para pak minutash postoi një shkrim në profilin e tij në Facebook, ku tha se ka të drejtë të dërgoj kallëzim penal për Qeverinë rreth lejimit të veturave me targa ilegale në Republikën e Kosovës.

Postimi i tij i plotë:

Meqenëse kjo nuk është marrëveshje ndërkombetare dhe nuk është e ratifikuar a kam drejte unë si qytetar me dërgu kallëzim penal për qeverinë për lejimin e veturave me targa ilegale ne Republiken e Kosoves. Qeveria nuk ka të drejtë të vendos masa në kundërshtim me ligjet sepse është precedent i rrezikshëm.
Sa e di unë asnjë ligj nuk ka ndryshu. Pra një njeri prej Brukselit ka vendos me suspendu një pjesë të
ligjit. Në Republikë kjo nuk ec. Nesër me të njejtën logjikë a mundet zv kryeministri me suspendu dënimet për shpejtësi për Komunën e Gjilanit.
Marrëveshja edhe mund të jetë e mirë po mshelnu me letra se na shkoi shteti posht.

Hoxhaj: Qeveria ka bërë gabim gjeo-strategjik kundër interesave të Kosovës

Periskopi.com Lajme

Ish-ministri i jashtëm i Kosovës, Enver Hoxhaj, ka thënë se Qeveria e Kosovës ka bërë një gabim gjeo-strategjik që shkon kundër interesave kryesore të Kosovës duke iu referuar refuzimit të Kosovës për gazsjellësin amerikan.

Hoxhaj ka thënë se të qenit pjesë e projekteve energjetike të mbështetura nga Amerika dhe diversifikimi i furnizimit me energji është thelbësore dhe strategjike për orientimin euroatlantik të Kosovës.

“Qeveria e Kosovës ka bërë një gabim gjeo-strategjik që shkon kundër interesave kryesore të Kosovës. Të qenit pjesë e projekteve energjetike të mbështetura nga Amerika dhe diversifikimi i furnizimit me energji është thelbësore dhe strategjike për orientimin euroatlantik të Kosovës. Vendimi i sotëm është krejtësisht kundër kësaj!”, ka shkruar Hoxhaj.

Ahmeti: A kam të drejtë t’i bëj kallëzim penal Qeverisë nëse lejon targa ilegale?

Periskopi.com Lajme

Kryetari i Prishtinës, Shpend Ahmeti ka komentuar zhvillimet e fundit për situatën në veri, ku në Bruksel, Kosova dhe Serbia janë pajtuar që të hiqen bllokadat nga serbët afër pikave kufitare të Jarinjës dhe Bërnjakut, por nga ajo pjesë të largohet edhe Policia Speciale e Kosovës. Po ashtu, palët janë pajtuar të vendosjen e etiketave ngjitëse në veturat që hyjnë nga Kosova në Serbi dhe anasjelltas.

Ahmeti pyet se a ka të drejtë si qytetar të dërgojë kallëzim penal për Qeverinë për lejimin e veturave me targa ilegale nëse kjo marrëveshje nuk është ndërkombëtare dhe nuk është e ratifikuar.

“Meqenëse kjo nuk është marrëveshje ndërkombetare dhe nuk është e ratifikuar a kam drejte unë si qytetar me dërgu kallëzim penal për qeverinë për lejimin e veturave me targa ilegale ne Republiken e Kosoves. Qeveria nuk ka të drejtë të vendos masa në kundërshtim me ligjet sepse është precedent i rrezikshëm.

Sa e di unë asnjë ligj nuk ka ndryshu. Pra një njeri prej Brukselit ka vendos me suspendu një pjesë të ligjit. Në Republikë kjo nuk ec. Nesër me të njejtën logjikë a mundet zv kryeministri me suspendu dënimet për shpejtësi për Komunën e Gjilanit.

Aksident në Vushtrri, 22- vjeçari e godet për vdekje këmbësorin

Periskopi.com Lajme

Një person ka humbur jetën si pasojë e një aksidenti që ka ndodhur sonte në Vushtrri.

Lajmin e ka bërë të ditur, zëdhënësi i Policisë së Kosovës për rajonin e Mitrovicës, Avni Zahiti.

Sipas Policisë deri te aksidenti dyshohet të ketë ardhur nga pakujdesia e drejtuesit të automjetit.

Zahiti tha se viktima është i moshës 56-vjeçare ndërsa ndaj drejtuesit të automjetit i cili është 22-vjeçar, është shqiptuar masa e ndalimit.

|Sonte, rreth orës 20:00 të datës 30 shtator 2021, në rrugën nacionale Mitrovicë-Prishtinë, gjegjësisht në segmentin rrugor Vushtrri, ka ndodhur një aksident trafiku me fatalitet. Në aksident është përfshirë një automjet me targa vendore që ka goditur këmbësorin-viktimën E. Xh., 56 vjeçar, i cili si pasojë e lëndimeve të pësuara është raportuar se në ora 22:00 në QKUK- ka ndërruar jetë. Nga hetimet e para, deri te aksidenti dyshohet të ketë ardhur nga pakujdesia e drejtuesit të automjetit. Ndërsa të dyshuarit- drejtuesit të automjetit E. M., 22 vjeç, me aktvendim të prokurorit të rastit i është shqiptuar masa e ndalimit”, ka thënë Zahiti.

UEFA mbërrin në Tiranë: Komiteti “HatTrick” gati projektet e futbollit europian

Periskopi.com Sporti

Në 17 vite të programit HatTrick, UEFA ka financuar në më shumë se 1500 projekte me një vlerë të madhe financiare prej 3 miliardë eurosh, duke e kthyer HatTrick në programin më të madh për zhvillimin e futbollit dhe solidaritetin.

Ky program natyrisht që ka qenë prezent edhe në vendin tonë, por këtë herë diskutimi i projekteve Europianë të këtij programi është mbledhur për herë të parë në Shqipëri. Një event historik që i është besuar Federatës Shqiptare të Futbollit për ta organizuar e që njëkohësisht është një mbështetje për FSHF-në si një partner i besueshëm dhe i aftë të presë aktivitete të nivelit më të lartë ndërkombëtar:

“Ky aktivitet për mua është historik sepse vjen pas një kohe të vështirë pandemie dhe kemi bërë shumë takime online dhe më në fund sot takohemi për herë të parë, pas një periudhe thuajse dy vjeçare fizikisht dhe uroj që kjo periudhë e vështirë Covid-i të ketë kaluar.

”Besoj që ju do ta kujtoni që pas kësaj periudhe të vështirë, jemi takuar në Tiranë dhe kështu do ta kujtoni edhe më shumë Tiranën apo Shqipërinë. Gjithmonë HatTrick-u, si një nga Komitetet më të rëndësishme të UEFA-s, merr vendime të rëndësishme. Unë jam shumë i bindur që me debatet e diskutimet në mbledhje, ne do të marrim vendimet e duhura që do t’i shërbejnë projekteve të zhvillimit të futbollit europian”, u shpreh presidenti Duka pas takimit.

Komiteti HatTrick ka në përbërje të tij emra të njohur të administrimit të futbollit europian e Presidentin e FSHF-së, si një nga zv/kryetarët e tij. Gjatë mbledhjes u shqyrtuan projektet “HatTrick” të paraqitura në Komitet për aprovim, si edhe u bë një bilanc i punës së bërë deri më tani përmes implementimit të investimeve. Gjithashtu, u diskutua edhe për çështje të ndryshme dhe për Akademinë e UEFA-s.

Delegacioni i UEFA-s, i kryesuar nga kryetari i Komitetit HatTrick, Karl-Erik Nilsson, i cili është njëkohësisht edhe Zv.President i UEFA-s, kanë vizituar ambientet e Shtëpisë së Futbollit e kanë inauguruar muzeun e futbollit, duke u njohur me një pjesëz të historisë së futbollit shqiptar. Nuk ka munguar edhe vizita në stadiumin “Air Albania”, vepra më e madhe infrastrukturore e ndërtuar në vendin tonë edhe me kontributin financiar të “HatTrick”. Siç është edhe traditë në mbledhjet apo takimet e UEFA-s, anëtarët e Komitetit zhvilluan edhe një ndeshje futbolli ku nuk munguan golat dhe momentet e gëzuara. “Ju falënderoj shumë për mikpritjen e ngrohtë sot në Tiranë. Ishte bukur të shihje ambientet tuaja të reja të Federatës dhe mundësitë e shkëlqyera për të zhvilluar futbollin përmes këtyre lehtësirave fantastike dhe do të bëhet më mirë kur të mbarojnë edhe dy fushat. Dhe pastaj shkuam në stadium, një stadium i bukur, që i mbushur plot, imagjinoj një atmosferë të plotë. Sa i përket HatTrick-ut është një Komitet i rëndësishëm, ku i japim mundësinë të 55 federatave anëtare të përfitojnë nga projektet dhe është vërtetë një privilegj të punosh me këtë Komitet”, përfundoi Nilsson.

E ftuar në këtë mbledhje ishte edhe Ministrja e Arsimit Sportit dhe Rinisë, Evis Kushi, e cila në fjalën e shkurtër përshëndetëse të mbajtur para të pranishmëve, shprehu kënaqësinë që ky komitet kaq i rëndësishëm i UEFA-s mblidhet për herë të parë në Shqipëri dhe vlerësoi kontributin që qeveria e futbollit europian po jep në bashkëpunim edhe më FSHF-në për futbollin shqiptar. I ftuar nderi në këtë mbledhje ishte edhe Presidenti i Federatës së Futbollit të Maqedonisë së Veriut, Muamed Sejdini.

Reciprociteti s’është në rrezik nga Marrëveshja për targat – thotë Besnik Bislimi

Periskopi.com Lajme

Zëvendëskryeministri i Kosovës, Besnik Bislimi, ka thënë se marrëveshja për targat, e arritur të enjten në mes të Kosovës dhe Serbisë, nuk e rrezikon në asnjë pikë reciprocitetin.

Kosova e Serbia arritën sot marrëveshje për çështjen e targave. Sipas marrëveshjes së arritur, forcat e njësisë speciale të Policisë së Kosovës të vendosura në Jarinjë e Bërnjak, do të largohen njëkohësisht me bllokadat në rrugë të vendosura nga serbët që kundërshtuan reciprocitetin për targat, ndërsa aty do të vendoset KFOR-i. Elementet shtetërore në targat e veturave do të mbulohen me letra ngjitëse, ndërsa do të formohet një grup punues për të gjetur një zgjidhje të përhershme.

Në një intervistë  për KTV-në, Bislimi ka dhenë detaje për takimet në Bruksel. Ai ka bërë të ditur se s’ka pasur asnjë takim trilateral në mes të Kosovës, Bashkimit Evropian dhe Serbsë.

Pikësynim i marrëveshjes, sipas tij, ka qenë që fillimisht të ulen tensionet.

“Nga ana jonë ka qenë e rëndësishme që krahas deeskalimit të mos ketë zmbrapsje nga principi i reciprocitetit që e kemi filluar me vendimin e 20 shtatorit”, ka thënë ai.

Këtë marrëveshje, Bislimi e ka cilësuar të lindur nga nevoja. Sipas tij, ajo dallon nga të tjerat, sepse ato janë përcjellë në “dinamikë të rregullt, por që ishin të dëmshme e të paimplementueshme”.

Ai ka dalluar marrëveshjen e re duke thënë se kjo mund të testohet shumë shpejt marrëveshja se sa mund të jetë valide.

“Reciprociteti s’rrezikohet në asnjë moment. Deri të hënën ne vazhdojmë me targat e përkohshme. Nga e hëna fillon kalimi nga ndryshimi i targave në vendosjen e afisheve që e mbulojnë elementin e shtetësisë. Nesër grupi nga Ministria e Punëve të Brendshme do të ketë takime virtuale me zyrën e Z. Lajçak për ta detajuar operacionalizimin e kësaj mase, për të treguar se si do të duken stickersat, çka mbulohet saktësisht, a duhet të ketë kosto për implementimin, çfarë sanksionesh duhet të ketë në rast se hasen persona të cilët afishet e vendosura në kufi pastaj i kanë larguar nga veturat e tyre, pastaj do të diskutohen detajet e operacionalizimit”, ka shtuar ai.

Bislimi më tej ka bërë të ditur se asnjë targë KM nuk do të konfiskohet në Kosovë në veri të vendit për periudhën transitore deri në marrëveshjen finale.

“Marrëveshja thotë secili shtet do t’i mbulojë me afishe targat e nxjerra nga shteti tjetër. Çdo targë që nxirret në Serbi do të trajtohet si e shtetit serb që nuk vlen në Kosovë. Nëse dikush ka nxjerrë tabelë me KM, në Kikindë, do të mbulohet me stikers për 6 muaj dhe do të konsiderohet e Serbisë. S’njihet si targë e ndonjë qyteti të Kosovës. Tash është mirëkuptim edhe nga pala e zyrës së Lajçakut që targat që s’kanë qarkulluar më parë në qytetet e caktuara të Kosovës s’do të qarkullojnë edhe tutje, por kërkesa ka qenë që të paktën për këtë periudhë transitore të mos konfiskohen tabelat në ato qytete ku qarkullojnë. S’ka në Prizren për shembull, por ka në Leposaviq. Ka qenë kërkesa që këto gjashtë muaj të mos konfiskohen këto tabela që krahas kalimit në sistemin permanent, të mundësohet tranzicioni i tyre drejt targave të rregullta. Ka qenë e paraparë edhe më herët, por që pala kosovare s’ka arritur për shkak të obstruksionit nga ana e Serbisë të bindë qytetarët që t’i konvertojnë tabelat në RKS. Me kalimin në tabela me standarde evropiane, që është qëllimi i grupit punues që të gjejë zgjidhjen e përhershme, e bën të pamundur përdorimin e mëtejmë të targave të lëshuara nga Serbia me denominime të qyteteve të Kosovës”, ka deklaruar më tej Bislimi.

Bislimi e ka quajtur të parëndësishëm renditjen e fjalëve në kuadër të marrëveshjes së publikuar. Sipas tij, përmbajtja është që para tërheqjes së Policisë dhe barrikadave nga Jarinja e Bërnjaku, të vendoset KFOR-i, e më pas të nisë zhvendosja.

Zëvendëskryeministri Bislimi foli edhe për një rrethanë, e cila marrëveshjen e arritur do ta bënte jovalide.

“Në atë moment që ne konkludojmë që pala serbe i ka bishtëru marrëveshjes, qoftë me respektim të afateve për implementim të tyre, qoftë me deformim në implementim, marrëveshja konsiderohet si jovalide dhe pala serbe do të kualifikohet si pala bllokuese e dialogut. Kjo do të shërbejë si mekanizëm I sigurisë.

Debat i ashpër: Kajtazi-Racit: A ta kanë shpërla trunin edhe ty VV’ja,  a vet vullnetarisht e ke shpërla

Periskopi.com Lajme

Debati në Debat plus është ashpërsuar në diskutim për temën e “targave”, dhe arritjes së kësaj marrëveshjej, përcjell Periskopi.

Debati eskaloi, kur  analisti, Gazmir Raci ia ndërpren fjalën, gazetarit Vehbi Kajtazit.

Kajtazi është treguar i ashpër karshi tij duke I thënë se “a ta kanë shpërla trunin edhe ty VV a vet vullnetarisht”

Biseda e shkurt në debat:

Kajtazi: Albin kurti ka thënë këta po e organizojnë, i ka qitë me fotografi. A ta kanë shpërla trunin edhe ty, a vet vullnetarisht e ke shpërla

Raci: S’kom emocione unë, po t’i paske emocione. Ti the banditat e kanë negociu marrëveshjen, ku është fakti/PERISKOPI

Kanë përfunduar të gjitha ndeshjet e Europa dhe Conference League, këto janë rezultatet

Periskopi.com Sporti

Kanë përfunduar të gjitha ndeshjet e javës së dytë në Europa dhe Conference League.

Befasia e mbrëmjes ishte Napoli, që humbi 2-3 midis Olimpicos nga Spartak Moska në Europa League.

Ndërsa Roma dhe Tottenhami, favoritët e Conference League, triumfuan në xhiron e dytë të fazës së grupeve, duke i mundur FK Zorya Luhanskin, respektivisht Muran.

Ishte nata e shqiptarëve, pasi lojtarë si Kumbulla, Hysaj, Muriqi, Kastrati, Januzaj, Uzuni, Zhegrova etj zbritën në fushë në Europa League dhe Conference League për ekipet e tyre.

Muriqi u inkuadrua në pjesën e dytë për Lazion, Hysaj ishte titullar, në anën tjetër Uzuni ishte titullar për Ferencvárosi ku shënoi gol.

Lirim Kastrati u inkuadrua në pjesën e dytë për Legian, derisa Adnan Januzaj ishte titullar në barazimin e Real Sociedad.

Edon Zhagrova është rikthyer dhe luajti disa minuta në fitoren e Basel në Conference League.

Edhe Marash Kumbulla i Kombëtares shqiptare luajti nga fillimi për Romën e Jose Mourinhos,

Europa League:

Conference League:

 

 

 

 

Xhafer Gashi: Vizioni ynë është përkrahja e vazhdueshme e bujqëve

Periskopi.com Lajme

Kryetari aktual dhe kandidati në Komunën e Obiliqit, Xhafer Gashi ka prezantuar njërin nga prioritetet e platformës qeverisëse e cila është “Subvencionimi i ndërtimit të 20 minifermave për 5 krerë lopë”.

Sipas Gashit platforma për bujqësi, përmban 11 proritete.

Postimi i plotë:

Vizioni ynë: “Përkrahja e vazhdueshme e bujqëve dhe inkurajimi i qytetarëve për zhvillimin e bujqësisë”.

Para jush, po prezantojmë njërin nga prioritetet e platformës qeverisëse #Bashkë për bujqësinë, projektin: “Subvencionimi i ndërtimit të 20 minifermave për 5 krerë lopë”.

Platforma jonë për bujqësi, përmban 11 proritete, të cilat me besimin tuaj do t’i bëjmë realitet!

#Bashkë me qytetarët, jemi të parët për Obiliqin! Voto1️⃣0️⃣9️⃣✅

Xhafer Gashi

Kajtazi për targat: Marrëveshje e turpshme

Periskopi.com Lajme

Gazetari Vehbi Kajtazi, ka komentuar marrëveshjen lidhur me target, ku sipas Kajtazit, është e turpshme, përcjell Periskopi.

z.Kajtazi në Debat plus thotë se është e turpshme kjo marrëveshje, e që sipas tij znj,Edita Tahiri ka qenë më e mirë në Bruksel se sa kjo e fundit.

“Kjo marrëveshje që kërkon mbulimin e targave është e turpshme, pajtohna plotësisht me deklaratën e VV’së të vitit 2016. Marrëveshja e sotme është më e keqe se e Edita Tahirit në Bruksel. Kurti, Bislimi ma mirë do të ishte që të propozonin kthimin e targave ks, që janë ndalu për ni kohë”, tha Kajtazi/PERISKOPi

Peci plot vetëbesim: Nuk kandidova për kryetar të Mitrovicës por do fitoja pa dilema

Periskopi.com Lajme

Ministri i Bujqësisë, Faton Peci, ka treguar se emri i tij ishte përmendur si kandidat i mundshëm i VV’së për kryetar të Mitrovicës. Ai shprehet i bindur se do të dilte fitues. Në emisionin Pressing ai ka treguar se pse nuk e mori këtë detyrë.

“E vërteta është se ne kemi pasur një dakordancë për zgjedhjet nacionale dhe lokale me VV’në dhe në asnjë rrethanë ne s’kemi dashur të tregohemi insistues për numër më të madh të kandidaturave”, thotë Peci.

“Ne nuk kemi shprehur interesim as për Mitrovicën e as për Prizrenin dhe njëra prej arsyeve ka qenë se ne thjesht nuk kemi dashtë…kemi qenë kërkues në disa komuna, por kemi qenë këmbëngulës në ato komuna ku në të vërtetë e kemi parë propabilitetin e fitores te kandidatët tanë sesa te kandidatët e tjerë.

“Në rastin e Mitrovicës dhe Prizrenit, thjesht kemi vlerësuar se përderisa Vetëvendosje është në qeverisje, s’kemi preferuar që ne t’i futemi një gare ku potencialisht humbja eventuale mundet me iu faturu listës Guxo. S’kemi dashur në asnjë moment me dëmtu Vetëvendosjen”, sqaroi Peci në Pressing.

“Është e vërtetë se edhe emri im ka qenë pjesë e diskutimeve në të gjitha nivelet dhe është po ashtu e vërtetë dhe jam kanë i bindur se kisha fitu…s’kam pasur dilemë në këtë drejtim’, thotë Peci.

Më në fund i kthehet zhvillimeve të fundit Zafir Berisha: Albini u nënshtrua përballë Serbisë

Periskopi.com Lajme

Ish shefi i Sigurisë Kibernetike, Zafir Berisha, ka thënë se kompromisi i Albinit me bandat e Vuqiçit për targat, është nënshtrimi i radhës përballë politikës gjenocidale të Serbisë.

“Kompromisi i Albinit me bandat e Vuqiçit për targat, është nënshtrimi i radhës përballë politikës gjenocidale të Serbisë! A është ky hipokriti i cili dikur thonte se nuk bisedojm me Serbin për çështje të brendëshme të Kosovës, çka ndodhi tashë?!”, ka shkruar Berisha.

Berisha ndër të tjera ka kujtuar edhe fjalimin e Kadri Veselit në Kuvendin e Kosovës, kur thotë se “Albin Kurti do ta kthejë Serbinë në Kosovë”.

Postimi i plotë:

Bekim Çollaku: Marrëveshja e sotme është kthim mbrapa, kjo është qeveri e afisheve

Periskopi.com Lajme

Ish-këshilltari i Hashim Thaçit, Bekim Çollaku, ka komentuar marrëveshjen e arritur sot në Bruksel mes Kosovës e Serbisë lidhur me targat e automjeteve, duke thënë se kjo marrëveshje është një kthim mbrapa në kuadër të dialogut mes dy vendeve.

Çollaku ka thënë se Qeveria e Kosovës e udhëhequr nga Albin Kurti, nuk ka gatishmëri për të sjellë marrëveshje përfundimtare mes Kosovës e Serbisë.

“Po shohim që Qeveria e Kosovës, përveç që ka rrezikuar jetën e policive, i ka bërë edhe një dëm vendit, që e ka hapur një çështje tjetër të mbyllur, një gjë që Kurti ka thënë se nuk do ta bënte kurrë”, është shprehur Çollaku në Klan Kosova.

Tutje, ai thotë se prej një momentumi kur të gjitha subjektet politike në vend, përfshirë edhe partinë në pozitë, duke thënë se nuk do të negociojnë me Serbinë për asgjë tjetër, përveç njohjes reciproke, tash, sipas tij, Kosova u kthye në pikën zero.

“Jemi duke u marrë me stickers. Kjo qeveri, çështjen e njohjes reciproke e ka zëvendësuar me stickersa ose me afishe dhe unë e cilësoj si një qeveri të afisheve sepse nuk ka kapacitet as intelektual, as patriotik për të shtyrë çështje papara siç është marrëveshja përfundimtare”, është shprehur Çollaku, njofton Klankosova.tv.

Më tej, ai thotë se dërgimi i Njësisë Speciale në veri për vendosjen e afisheve në targat e veturave, është gabim amatoresk

“Nuk rrezikohet jeta e pjesëtarëve të Njësisë Speciale dhe qytetarëve të Kosovës që jetojnë në veri për vendosjen e stickersave. Gjithë kjo zhurmë politike që është bërë për qëllime elektorale për të zhvendos vëmendjen nga problemet thelbësore që ka kjo qeveri në një çështje tjetër që zgjon emocion tek qytetarët, e vetmja gjë pozitive është që deri me sot nuk ka pësuar asnjë qytetarë i Kosovës dhe të gjithë pjesëtarët e policisë janë të sigurt”, ka thënë Çollaku.

Goli i Uzunit kundër Betisit është thjesht brilant

Periskopi.com Sporti

Myrto Uzuni nuk di të ndalet.

Shqiptari ka realizuar ndaj Betis golin e barazimit duke shënuar kështu dhe në Europa League pasi më parë kishte arritur golin në Champions.

Më parë spanjollët shënuan me Fekir në minutën e 17′.

“Askujt nuk i ka shkuar mendja që Kosova i thotë JO gazit amerikan, e Maqedonia PO, pa hezitim”

Periskopi.com Lajme

Botuesi i gazetes Koha ne Shkup, Arben Retkoceri, është habitur nga refuzimi i qeverisë së Kosovës për gazin amerikan.

Ai nëpërmjet Facebook tha se erdhi “Nuk e di a mund t’i ketë shkuar mendja ndokujt që mund të vjen dita, kur Kosova kërkesës strategjike amerikane për gazsjellësa t’i thotë JO ndërsa Maqedoni PO edhe atē pa hezitim fare.”

Postimi:

Kosova rrefuzon projektin amerikan për pjesëmarrje në gazsjellësin -Aleksandopolis. Maqedonia që para disa muajëve, kërkesës amerikane ju ka përgjigjur pozitivisht, duke e nënshkruar marrëveshjen.

Nuk e di a mund t’i ketë shkuar mendja ndokujt që mund të vjen dita, kur Kosova kërkesës strategjike amerikane për gazsjellësa t’i thotë JO ndërsa Maqedoni PO edhe atē pa hezitim fare.

 

Limaj: Qeveria ka pranuar që në veri të ushtroj sovranitetin edhe Serbia

Periskopi.com Lajme

Kryetari i Nismës Socialdemokrate, Fatmir Limaj ka reaguar pas marrëveshjes për targat.

Limaj ka thënë se partia të cilën ai e drejton prej fillimit i ka dhënë mbështetje institucioneve të Kosovës për vendosjen e reciprocitetit për targat.

Ai thotë se shqetësuse është mostrasparenca në këtë proces, pasi ende nuk është bërë publike marrëveshja e plotë.

“Nisma Socialdemokrate është e indinjuar me barazimin që i është bërë Njësisë Speciale të Kosovës me kriminelët serbë, të cilët kanë vendosur bllokada duke bllokuar pikat kufitare në Jarinjë dhe Bërnjak. Faktikisht përmes kësaj marrëveshje qeveria Kurti ka pranuar që në veriun e Kosovës të ushtroj sovranitetin edhe qeveria e Serbisë”.

Po ashtu, ai ka shprehur kundërshtinë e tij të plotë për refuzimin që Qeveria e Kosovës i ka bërë projektit të gazsjellësit amerikan.

Postimi i plotë:

NISMA Socialdemokrate që nga fillimi i ka dhënë mbështetje institucioneve të Kosovës për vendosjen e reciprocitetit për targat. Por, shprehim shqetësimin tonë për mostrasparencë në këtë proces, pasi ende nuk është bërë publike marrëveshja e plotë.

Nisma Socialdemokrate është e indinjuar me barazimin që i është bërë Njësisë Speciale të Kosovës me kriminelët serbë, të cilët kanë vendosur bllokada duke bllokuar pikat kufitare në Jarinjë dhe Bërnjak. Faktikisht përmes kësaj marrëveshje qeveria Kurti ka pranuar që në veriun e Kosovës të ushtroj sovranitetin edhe qeveria e Serbisë!

Ia rikujtoj qeverisë së Kosovës se prej vitit 2008 Kosova e ka shtri kontrollin dhe përgjegjësinë në gjithë territorin e saj dhe çfarëdo heqje të kompetencave organeve të sigurisë dhe kthimin e KFOR-it për të luajtur rolin e mekanizmit të sigurisë së brendshme është i gabuar dhe suspendim i kompetencave të organeve shtetërore të sigurisë!

Po ashtu, shpreh kundërshtimin tim të plotë për refuzimin që Qeveria e Kosovës i ka bërë projektit të gazsjellësit amerikan.

Opozita parlamentare duhet të thërras menjëherë seancë të jashtëzakonshme dhe të kërkojë përgjegjësi nga qeveria për dështimin e këtij projekti strategjik për vendin.

Parimi flet parimisht: Kurti barazoi specialsat tanë me huliganë – dy kriminelë që i qiti në FB shëtiten lirshëm

Periskopi.com Lajme

Drejtori i Gazetës Insajderi, Parim Olluri, ka thënë se Kurti i barazoi Njësinë Speciale me huliganët serb në Veri të Kosovës.

“Nuk parashihet asnje ndeshkim i huliganeve serb qe penguan Njesine Speciale ne pjesen veriore te Kosoves. As ata dy tipat qe Kurti ju thoshte kriminela nuk do te kene pasoja. Askush prej tyre nuk do te arrestohet. Eshte barazuar Njesia Speciale me huliganet serb”, ka shkruar Olluri.

Sipas tij ky eshte fuqizim i strukturave paralele./PERISKOPI/

Postimi i plotë:

Shala: Kemi projekt për ndërtim të çerdheve

Periskopi.com Lajme

Kandidati i Lidhjes Demokratike të Kosovës, për kryetar të Gjakovës, Dr. Teki Shala, vizitoi sot një çerdhe të fëmijëve, ku tha se ka projekt për ndërtim të çerdheve.Me këtë rast, Shala, tha se me ardhjen e tij në krye të komunës së Gjakovës do të ndërtojnë dhe funksionalizojnë në dy vitet e para katër çerdhe në katër regjionet e komunës dhe dy çerdhe brenda për brenda qytetit.

Sipas tij, të gjitha çerdhet si publike ashtu dhe private do ti përfshijnë në skenën e vizitave sistematike shëndetësore dhe psikologjike. Ai premtoi se do të ofroj mbështetje të vazhdueshme për çerdhet publike dhe private.

Halimi: Fshati Greme do të jetë prioriteti ynë

Periskopi.com Lajme

Kandidatja e Lidhjes Demokratike të Kosovës, për Ferizaj, Sibel Halimi, ka qëndruar sot në fshatin Greme, ku ka shpalosur programin para banorëve.

“Fshatin Greme lirshëm mund ta quajmë si fshat i biznesit”, tha Halimi.

Ndër të tjera, ajo tha se mbi 250 biznese të cilat ndikojnë jashtëzakonisht shumë në zhvillimin ekonomik të qytetit e afro 5000 banorë të këtij fshati përballen me probleme bazike si uji i pijshëm e problemet me ujëra të zeza.

“Ne do ta bëjmë funksionalizimin e çerdhes e cila është tërësisht e demoluar dhe në gjendje të mjerueshme. Gremja do të jetë prioriteti ynë në mbështetje të bizneseve përmes subvencioneve”, tha Halimi.

Frashëri e sfidon Qeverinë Kurti: Lansoni tabela të veçanta për Preshevë, provoni

Periskopi.com Lajme

Zyrtari i Partisë Socialdemokrate, Frashër Krasniqi ka komentuar marrëveshjen e Kosovës më Serbinë në lidhje me targat.

Krasniqi ka thënë se për ta parë se sa ka reciprocitet në këtë marrëveshje Qeveria le të provojë të lansojë tabela të veçanta për Preshevë.

“Le të provojë Qeveria e Kosovës me lansu tabela të veçanta për Preshevë. Le t’jau vendosë stickerin dhe le ta shohim a po lejohen në Serbi. Le të kërkon Kosova largimin e forcave policore të Serbisë nga Lugina e Preshevës. Kështu do ta shohim se sa ka reciprocitet në ketë marrëveshje”, ka shkrua Frasher Krasniqi./Periskopi/

Postimi i plotë: