A do të jetë Daku nesër startues ndaj Moldavisë? Përgjigjet ndihmës trajneri, Muharrem Sahiti

Bernard Challandes do t’i mungojë Kombëtares së Kosovës në bankë edhe për ndeshjen e nesërme kundër Moldavisë, transmeton Periskopi.

Ekipin do ta udhëheq ndihmës trajneri, Muharrem Sahiti, i cili në konferencën për media para ndeshjes së nesërme, në pyetjen se kush e ka fajin për rënien e kombëtares është përgjigjur; “As ne nuk jemi të kënaqur, duhet të punojmë, nuk jemi Kombëtare që mund të krahasohemi me ato të fuqishmet. Mungesat e shumta nga për shkak të Covidit e kanë bërë më të vështirë”.

Sahiti u pyet edhe nësë sulmuesi i Ballkanit, Mirlind Daku do të jetë startues nga minuta e parë.

“Dakun do ta shohim pjesë të Kombëtares, rrjedha e ndeshjes do të na tregojë se a do të jetë pjesë a jo, besoj se do ta ketë rastin të luaj, nëse jo nesër herave të tjera”, tha Sahiti, përcjell Periskopi.

Kujtojmë se, ndeshja ndaj Moldavisë zhvillohet nesër në stadiumin “Fadil Vokrri” në orën 20:45.