Gramoz Vokrri e zbulon për Periskopin: A do t’i hiqet emri ‘Fadil Vokrri’ stadiumit në Prishtinë me marrëveshjen e emrit
Të premten u nënshkrua marrëveshja për mbrojtjen e emrit të legjendës së futbollit kosovar, Fadil Vokrri nga biri i tij, Gramozi si dhe kompania Pro Talents Kosova.
Presidenti i kësaj kompanie, aktori i njohur, Osman Azemi me një komunikatë potencoi se marrëveshja do t’i japë fund përdorimit të emrit të Vokrrit pa autorizim nga familjarët dhe kompania, shkruan Periskopi.
A do të thotë kjo se stadiumi ‘Fadil Vokrri’ më nuk do ta mbajë këtë emër, apo turnetë dhe çmimet që ndahen në emër të tij do të pushojnë së ekzistuari?
View this post on Instagram
Epo, jo sipas Gramozit, me të cilin Periskopi ka kontaktuar të premten për të mësuar më shumë rreth kësaj marrëveshjeje.
”Jo, jo nuk impaktohen kurrgjo, vetëm është mbrojtje komerciale. Mos me mujtë me bo gjithçka me emër për përfitime, pa leje,” u shpreh fillimisht Vokrri kur u pyet nëse do të ketë impakt në elementet e lartëpërmendura marrëveshja.
I pyetur ta konkretizojë se në cilat raste nuk do të jetë e lejuar të përdoret emri i Fadil Vokrrit, ai shtoi:
”Nëse del një produkt në treg pa lejen e kësaj kompanie e cila është e autorizuar për menaxhimin e emrit.” /Periskopi.com/
