Fitore për Lazion por asnjë minutë për Muriqin, pavarësisht PESË zëvendësimeve që lejohen në Serie A
Lazio ka mposhtur Crotone në udhëtim me rezultat 2 – 0, në kuadër të xhiros së tetë të Seria A.
Ciro Immobile ndryshoi shifrat duke realizuar pas asistimit të Parolos (21′), rezultat me të cilin skuadrat shkuan në pushime.
Kurse, golin e dytë që njëkohësisht ishte i fundit në ndeshje e shënoi Correa (58′).
Ylli kosovar, Vedat Muriqi nuk zhvilloi asnjë minutë këtë ndeshje duke qëndruar në stol, pavarësisht se trajneri i Lazios pati pesë zëvendësime në dispozicion, të cilat i shfrytëzoi.
Me këtë fitore, Lazio ngritët në pozitën e pestë me 14 pikë, derisa Crotone qëndron në fund me vetëm dy sosh.
