Chelsea rezervon biletën, kualifikohet për fazën tjetër të kompeticionit më të rëndësishëm për klube, Ligës së Kampionëve

Klubi londinez, Chelsea ka arritur që të kalojë fazën e grupeve në Ligën e Kampioneve, kjo pasi mposhti ekipin francez, Rennes, me rezultat minimal 1:2, transmeton Periskopi.

Blutë e Londrës shënuan golin e parë në minutën e 22’të të ndeshjes, ku pas një superaksioni të Mount rrjetën e gjeti Odoi.

Goli i barazimit nga vendasit erdhi në pjesën e dytë, përkatësisht në minutën e 84’të të ndeshjes ku rrjetën e gjeti sulmuesi, Guirassy.

Kurse londinezët shënuan golin e avantazhit krejt në minutat e fundit të ndeshjes, kur sulmuesi francez, Giroud gjeti rrjetë.

Kujtojmë se, në takimin e parë në ”Stamford Bridge” Chelsa triumfoi 3:0 kundër ekipit francez. /Periskopi.