Evra e zbulon bisedën me Ronaldon: “Do ta copëtoj Atletico Madridin”

Patrice Evra e ka zbuluar bisedën e tij private me Cristiano Ronaldo, në të cilën sulmuesi portugez kishte pohuar se Juventusi do ta shkatërronte Atletico Madridin.

Het-triku i Ronaldos e frymëzoi Juven drejt rikthimit kundër Atleticos të martën mbrëma për ta arritur çerekfinalen në Ligën e Kampionëve, dhe tani Evra sugjeron se Ronaldo e kishte parashikuar këtë para pesë ditësh.

“Prapa skenave… këto janë mesazhet që i kam shkëmbyer me Cristianon pesë ditë para rikthimit!!!”, shkroi ish-mbrojtësi i Manchester Unitedit dhe Juventusit në Instagram.

“Kjo tregon vetëbesimin, zemërimin, përkushtimin nga lojtari më i mirë në botë. Duhet ta falënderoni nënën dhe babanë e tij dhe natyrisht edhe Zotin që na e kanë dhuruar një person kaq të mirë dhe një futbollist të pabesueshëm”, shtoi ai.

“Në ndeshje të mëdha me presion të madh, vëllai im gjithmonë e dëshmon veten!!! Prandaj mos jini xhelozë, se thjesht dua ta ndaj këtë dhe nëse nuk pajtoheni nuk kam çfarë t’ju bëj”, shkroi ai.

The only person in the world that can take the pressure and be the best player in the world like Michael Jordan is @Cristiano Ronaldo. Don’t try to tap the screen for his number. ??? pic.twitter.com/WDl2j0dH0V

— Patrice Evra (@Evra) March 14, 2019

Në mesazhin e zbuluar në fotografi, Evra i thotë Ronaldos: “Vëlla, llogaris në ty për rikthim në Ligën e Kampionëve. Kurrë nuk dyshoj në ju dhe njerëzit më vrasin kur ju humbni”.

Ronaldo i përgjigjet: “E di. Do të kalojnë tutje vëlla. Do t’i shkelim në shtëpi.”