A po rrëzohet Qeveria në Mal të Zi? Sot është fati i mocionit të mosbesimit, Abazoviq ndërron anë
Sot në Mal të Zi zhvillohet seanca e parlamentit ku do të shqyrtohet nisma e opozitës për mocionin e mosbesimit të qeverisë së kryeministrit Zdravko Krivokapiç.
Kalimi i mocionit për rrëzimin e qeverisë nënkupton rikthimin e Partisë Demokratike Socialiste të Presidentit Milo Gjukanoviç, e cila prej 3 dekadash ka qenë në pushtet.
Kryetari i Parlamentit të Malit të Zi, Aleksa Beçiç shpreson se asnjë deputet nga mazhoranca nuk do ta përkrahë nismën për mosbesimin e qeverisë, shkruan euronews.al.
Presidenti i Malit të Zi dhe lideri i opozitës, Milo Gjukanoviç është shprehur optimist se mocioni për rrëzimin e qeverisë do të ketë sukses.
Kryetari i Lëvizjes Qytetare “URA” dhe zv/kryeministri, Dritan Abazoviç është shprehur se për zgjidhjen e krizës politike duhet të shkohet në zgjedhje të parakohshme.
