Aliu: Sikur mos të ishin kërkesat e tepruara të BIK-ut, xhamia do të ndërtohej qysh moti
Liburn Aliu, drejtor i Urbanizmit në Komunën e Prishtinës ka thënë se leja qysh moti do të ipej për ndërtimin e xhamisë në ‘Dardani’, sikur të mos ishte çështja e lokaleve.
‘Unë mendoj se çështja e lejes do të ishte moti e kryer po të mos kish qenë pezullimi i asaj kohe për cështjen e përmbajtjeve tjera, përpos xhamisë’, ka thënë ai në Rubikon, transmeton Periskopi.
Ai thotë se këtë situatë e kanë krijuar kërkesat e tepruara për lokale dhe hapësira të tjera.
Ndërsa duke komentuar deklaratën e myftiut Naim Tërnava, Aliu ka thënë se ndërtimi pa leje është i kundërligjshëm dhe se për gjëra të tilla merret gjykata./Periskopi/
