Anthony Joshua po duket në formë absolutisht drithëruese para meçit me Tyson Furyn
Anthony Joshua dhe Tyson Fury, yjet më të mëdhenj të boksit në peshën e rëndë, po përgatiten për një meç të jashtëzakonshëm më 14 gusht.
Fury ka udhëtuar drejt ShBA me vëllanë e vogël, i cili është poashtu boksier i pamposhtur Tommy Fury, transmeton Periskopi.
Derisa ‘Gypsy King’ po shijon plazhet e nxehta në Majami, Anthony Joshua po djerësitet në ‘Finchley Amateur Boxing Club’. Palestra është e para në të cilën Joshua është stërvitur ndonjëherë.
Ai postoi dy foto ku tregoi fizikun monstruoz, dy herë kampioni i botës shkroi: ”Gjakftohtë.”
Për herë të parë në histori të sportit, të katër titujt do të jenë në dispozicion për t’u fituar. Meçi raportohet se do të zë vend në Arabinë Saudite. /Periskopi.com/