Avdullah Hoti dhe Driton Selmanaj largohen pa fjalë nga mbledhja e partisë
Kryeministri Avdullah Hoti dhe zëvendëskryeministri Driton Selmanaj kanë dalë nga takimi me strukturat e partisë në selinë e LDK-së në Prishtinë.
Duke dalë, Hoti ka refuzuar të deklarohet për media në lidhje me atë se çfarë është marrë vendim në këtë mbledhje.
Kjo mbledhje e LDK-së vjen një ditë pas rezultatit në zgjedhjet në Podujevë, ku kandidati i kësaj partie për kryetar të komunës, Nexhmi Rudari, është radhitur i dyti, duke e humbur për herë të parë pushtetin e Lidhjes Demokratike në këtë komunë.
Mustafa ftoi mbledhje të kryesisë së partisë pasi kjo parti humbi zgjedhjet në Llap.