Avdyli: Dy deputetë nga komunitetet nuk e votojnë PAN-in
Deputeti i Lidhjes Demokratike të Kosovës, Haxhi Avdyli përmes një postimi në llogarinë e tij në Facebook ka thënë se përveç partive opozitare edhe dy deputetë nga komunitetet nuk do ta votojnë Ramush Haradinajn për kryeministër.
Avdyli nuk ka treguar as emrat e këtyre dy deputetëve të cilët sipas tij nuk votojnë pro Haradinaj e as cilit komunitet i takojnë.
“Lajm i mirë nga djepi i kulturës dhe bashkëjetesës- Prizreni: 2 deputetë të Kuvendit të Kosovës, nga komunitetet, nuk e votojnë PAN-in. Ata në kohë dhe momentin e duhur do shpallin vendimin e tyre”, ka shkruar ai në Facebook.
