Barcelona planifikon shitjen e Lewandowskit

Barcelona synon t’i qaset tregut në mënyrë bindëse këtë verë, pavarësisht nga problemet e vazhdueshme financiare.

“Blaugranët” thuhet se duan të nënshkruajnë të paktën me një lojtar të nivelit të lartë, por gjasat janë që do të kërkohen shitje në mënyrë që të mblidhen fondet, transmeton Gazeta Express.

Një lojtar, shitja e të cilit do ta ndihmonte klubin në kërkimin e mbledhjes së fondeve, është edhe Robert Lewandowski.

Sulmuesi polak është ndër më të paguarit te Barça dhe duke qenë se ai ka tërhequr interesim nga Arabia Saudite, mund të jetë një mundësi për ta bërë një lëvizje në verë.