Bashkatdhetarët po presin mbi 8 orë në Merdare

Periskopi.com Lajme

Bashkatdhetarët bllokohen në kufi me Serbinë, presin mbi tetë orë.

Pritjet dhe kolonat e gjata në dalje të Kosovës në pikat kufitare me Serbinë nuk kanë të ndalur.

Bashkatdhetarët janë duke u përballur me pritje e kolona të gjata në dalje të Kosovës në pikat kufitare me Serbinë.

Qendra Kombëtare për Menaxhim Kufitar ka publikuar statistikat e fundit për fluksin nëpër pikat kufitare.

Sipas këtyre statistikave, pritja më e madhe është në pikëkalimin kufitar në Merdare.

Atje qytetarët janë duke pritur mbi 8 orë e gjysmë apo 500 minuta dhe kolona ka arritur deri në 1.7 kilometra.

Edhe në Mutivodë në dalje të Kosovës, qytetarët janë duke pritur deri në tre orë apo 180 minuta dhe kolona është 200 metra.

Fluks të veturave ka edhe në Jarinje. Atje qytetarët janë duke pritur deri në dy orë për të dalë nga Kosova kurse kolona ka arritur deri në 400 metra.

Edhe në Muçibabë dhe te Dheu i Bardhë, bashkatdhetarët janë duke pritur nga një orë për të dalë nga Kosova. Në këto dy pikat kufitare kolona ka arritur deri në 400 metra.

Sipas këtyre statistikave, nëpër të gjitha pikat e tjera kufitare si në hyrje ashtu edhe në dalje të Kosovës, pritja nuk është më e madhe se 10 minuta.

 

 

Shpërndaje në: