Baton Haxhiu: Lumiri e mbyllë gojën për çështjet me Serbinë, e di se me çfarë punë merret një pjesë e familjes së tij
Gazetari Baton Haxhiu e ka goditur kryeministrin Albin Kurti dhe zëvendësin e tij Besnik Bislimi përmes një shkrimi, pasi Kosova dhe Serbia u pajtuan për implementimin e një marrëveshjeje për energjinë elektrike në veri.
Haxhiu pati kritika edhe për PDK-në dhe partitë tjera opozitare. Por goditjen më të rëndë e ruajti për Lumir Abdixhikun, kryetarin e LDK-së.
“Pjesa tjetër, ndërkaq, është punë e njohur. Lumiri kur vie puna te çëshjet e mëdha me Serbi zakonisht e mbyllë gojën sepse e di shumë më mirë se ne me çfarë punë merret një pjesë e familjes së tij”, ka shkruar ai.
Për kryetarin e PDK-së, Memli Krasniqi tha se po heshta “për shkak të shumë kusureve të tij që ia ka zbuluar Faton Peci e Albin Kurti, edhe për shkak të përcaktimit të tij të prerë për ta tjetërsuar PDK-në në një klub të përdalë gastronomësh”.
“Si ka mundësi, Partia Demokratike e Kosovës, pasardhësja e UCK-së, të shitet deri në këtë ditë e të tmerrohet deri në palcë nga një Albin Kurt, i cili ua ndajti sistemin energjetik të Kosovës ndër sy? Këto janë pasoja kur braktisen idealet e partia në emër të qytetarisë iu besohet pianecëve, narkomanëve dhe tenderomanëve profesionist”, ka shkruar Haxhiu.
