Blenë valixhen në ankand, gjejnë eshtrat e një njeriu
Policia në Zelandën e Re ka nisur një hetim pas një familje gjeti trupin e një njeriu në një valixhe që ata e kishin blerë në një shtëpi ankandesh.
Familja e bëri zbulimin tronditës në shtëpinë e tyre në South Auckland, pasi hapi valixhet që kishte blerë në ankand. Sipas policisë, familja nuk është e dyshuar për këtë ngjarje.
Advertisement
Mësohet se valixhja u ble nga familja, së bashku me shumë sende të tjera, në një kompani, që po pastronte mallrat e braktisura.
Si shumë të tjerë që blejnë sende të harruara apo të braktisura dhe ata shpresonin që të gjenin aty ndonjë gjë me vlerë.
Pas zbulimit makabër, ata njoftuan menjëherë policinë, e cila ka nisur hetimet pikë së pari për të identifikuar viktimën dhe personat përgjegjës që e kanë vendosur aty./A2CNN
