Chelsea e bën legjendën e klubit kandidatin kryesor për ta zëvendësuar Sarrin
Roman Abramovich po planifikon ta shkarkojë Maurizio Sarrin në fund të sezonit nga postI e trajnerit të Chelseat.
Sarri po përgatitet që të ndeshet me Arsenalin në finale të Europa Leagues, më 29 maj, derisa italiani udhëhoqi “Të Kaltërit” edhe drejt finales së Carabao Cup, ku u mposht nga Manchester City, transmeton Periskopi.
Sidoqoftë, “Gazzetta dello Sport” potencon se Abramovich nuk është bindur nga aftësitë e teknikut italian, të cilin po planifikon ta shkarkojë në verë.
Sipas gazetës italiane, trajneri aktual i Derbyt, Frank Lampard po shihet si zëvendësues i tij.
“Sport Mediaset” shton se Chelsea e ka bërë legjendën e klubit si objektivin kryesor për pozitën.
Lampard ka bërë 648 paraqitje për Chelsean si futbollist profesionist, duke shënuar 211 gola, përgjatë periudhës së tij 12-vjeçare në klub. /Periskopi.com/
