Drejtori i Policisë paralajmëron: Ka kërcënim dhe rrezik për një sulm të ri në veri, grupi i Radoiçiqit vazhdon të jetë i lirë

Gazmend Hoxha, drejtor i përgjithshëm i Policisë së Kosovës, në një intervistë në KTV, tha se ka kërcënim dhe rrezik për një sulm të ri në veri dhe se grupi i Milan Radoiçiqit vazhdon të jetë i lirë.

“A ka kërcënim ka, a ka rrezik, unë besoj se ka derisa grupi terrorist i Radoiçiqit vazhdon të jetë i lirë në Serbi, vazhdon të trajnohet në Serbi, vazhdon të mbështetet nga strukturat e Serbisë, të trajnohet atje dhe të qëndrojë afër kufirit të Republikës së Kosovës. Çfarë është Kopauniku, po edhe bazat tjera ushtarake të Serbisë, e që janë afër kufirit tonë, mendoj që ka rrezik, e që ne duhet të jemi vigjilent dhe në gatishmëri të plotë për të vepru atë dhe po e bëjmë”, tha Hoxha.