Familja Dehari nuk i beson shtetit, kërkon mjekë neutralë për autopsinë e Astritit

Arsyeja e kësaj kërkese janë deklaratat kontradiktore të dhëna nga Prokuroria e Shtetit, Shërbimi Korrektues i Kosovës dhe Policia e Kosovës, sqaron familja Dehari.

“Për shkak të deklaratave kontradiktore të dhëna nga Prokuroria e Shtetit, Shërbimi Korrektues dhe Policia e Kosovës, familja Dehari kërkon nga Departmenti i Mjekësisë Ligjore që autopsia e trupit të djalit tonë Astrit Dehari të mos bëhet në asnjë mënyrë pa prezencën e mjekëve të pavarur dhe neutralë që do të caktohen nga familja. Deklarimet institucionale që e cilësojnë si të dyshimtë vdekjen e djalit tonë, si dhe kontradiktat në deklaratat e institucioneve të ndryshme, janë tejet shqetësuese për ne dhe insistojmë që në asnjë mënyrë të mos bëhet autopsia pa prezencën e mjekëve që do të caktohen nga familja. Familja Dehari, 2016”, thuhet në kërkesën publike. /Periskopi/