Gjendet i vdekur një person në lumin ‘Drini i Bardh’ në Klinë
Një person është gjetur i vdekur këtë të martë në lumin “Drini i Bardh” në Klinë.
Lajmin për Gazetën Express ka konfirmuar zëdhënësi i Policisë së Kosovës për rajonin e Pejës, Fadil Gashi.
Ai tha se policia është njoftuar në rreth orës 15:35 nga një qytetar që po peshkonte në këtë lum se ka gjetur një trup të pajetë, dhe menjëherë ka dalë në vendin e ngjarjes.
“Policia dhe mjeku kujdestar menjëherë kanë dal në vendin e ngjarjes. Mjeku e ka konstatuar vdekjen e viktimës”, deklaroi Gashi.