Katër medalje në katër Olimpiada, atletja nga Zelanda e Re vendos rekord të jashtëzakonshëm
Valerie Adams nga Zelanda e Re ka vendosur një rekord të ri olimpik.
Ajo është bërë sportistja e parë që arrin medalje olimpike në katër olimpiada radhazi.
Garuesja nga Zelanda e Re arriti të fitojë sot medaljen e bronztë në disiplinën e hedhjes së gjyles, me hedhje 19.62 metra.
Fillimisht ajo fitoi medaljen e artë në Lojërat Olimpike “Pekin 2008”, katër vite më vonë fitoi sërish të artën në “Londra 2012”, të argjendën e fitoi në “Rio 2016”, ndërsa tani fitoi të bronztën në “Tokyo 2020” duke shkruar histori.
